back to top
13.5 C
Tirana
E martë, 23 Prill, 2024

Grimca jete nga Familja Tasi – nga Leka Tasi

Gazeta

Tre Vëllezërit Tasi Leka, Napoleoni, Ylli
Tre Vëllezërit Tasi Leka, Napoleoni, Ylli
Përkujtojmë sot, në përvjetorin e vdekjes,
patriotin e madh antikomunist, luftëtarin për Kosovën e lirë,
përkthyesin më të shquar të poetëve klasikë anglofonë,
z. Napoleon Tasi, ish i burgosur politik,
që fatkeqsisht ende pak i njohur,
si shumë e shumë patriotë të vërtetë…
Lluka Qafoku, 17 korrik 2019
.
Napoleon Tasi me te bijen
Napoleon Tasi me te bijen

Grimca jete nga Familja Tasi

Nga Leka Tasi

Një telegram i 1947-ës nga Kampi i të burgosurve në Maliq. I kishin lënë për disa javë pa të drejtën e pakos me ushqime nga familja (një ide e habitshme kjo e komandës që përligj mendimin se ato përqëndrime të konsiderohen si kampe të çfarosjes, gjë që diskutohet aktualisht për Tepelenën), dhe ishin katandisur njëmijë e ca burra të merrnin panxhar nga toka dhe t’i hanin ose, nemos, të vdisnin… Telegrami i perket penës së Osman Gazepit dhe teksti është ky: “Jam Orman Pojan Aman Derman Osman”, pa thënë asgjë më shumë. Familja që e mendonte njeriun e saj pa pako të pranuar prej javësh, e kuptonte menjëherë ku e kishte fjalën. Por nuk dua ta lë Osmanin e ngratë pa meritën edhe të letrarit, paçka se në kushte ekstreme. Këtu vërtetohet edhe teza që kryeveprat dalin prej njerzish
të vuajtur…
 
***
Kam pasur tre të familjes n’atë kamp dhe kam qarë kur e pashë vëllane te hekurat e Burgut të Vjetër duke na u lutur për bukë, i ligur, me rrudha të thella mes faqeve dhe gojës… dhe vëllai im ishte vetëm 19 vjeç!!
.
Familja e Napoleon Tasit
Familja e Napoleon Tasit
***
Duhet gërmuer e qëmëtuar në historinë e imtë të kaluar, sepse s’ka rreshtur kurrë që njerëzit te kishin edhe momente normale, ndjenja shakara (ajo që bën S. Çapaliku me romanet e tij për Shkodrën, që i përzien të dyja), Gazetës këto ditë kishte diçka edhe për Pjetër Gjinin, spiritoz, por i përndjekur, pse? Kot… për një yshtje nga lart të kokëgomerëve jugorë për të urryer deri edhe finecat që gjenin te shkodranët. Pa shkuar te tragjikja, për shembell kur i thonin Pjetrit si durohet ky absurditet (i urrejtjes artificiale të Luftës Klasave) ai përgjigjej: “E po, toka nuk fundoset (përdorte nji term: nuk humbat), duke shprehur kështu një gjë fondamentale, që tragjeditë më të medha nuk shoqërohen me tufane, por me kohë të mirë, kur ti thua: Lermë o Zot të rroj!
.
Marrë nga muri i FB i Leka Tasit, 21 maj 2019
 
 
 
 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.