back to top
18.5 C
Tirana
E premte, 14 Qershor, 2024

Figura historike shqiptare në portrete vizatimore të stilizuara – nga Lekë Pervizi

Gazeta

Lek Pervizi - autor i librit "Rrathët e Ferrit"
Lek Pervizi – autor i librit “Rrathët e Ferrit” (pikt. Leonard Pervizi)
Figura historike shqiptare në portrete vizatimore të stilizuara
nga Lekë Pervizi
Art i veçantë i stilizuar e skematik punuar në kompjutër, ekskluzivisht për revistën Kuq e Zi
Gjon Kastrioti dhe e shoji Vojsava
Gjon Kastrioti dhe e shoqja Vojsava

Figura historike shqiptare
Në mbyllje të çdo reviste kemi caktuar të paraqesim disa portrete të mbretërve iliro-shqiptarë në vizatime speciale të papërdorur nga piktorë të tjerë. Vizatime të stilizuara e skematikë, me anë të kompiuterit, ngaqë nuk shoh mirë nga sytë, kështuqë po përdor zmadhues që më lejojnë të vizatoj, në ekranin e posaçëm të skanerit. Kjo ka bërë që të zbatoj një stil skematik të përveçëm, krejtësisht i personalizuar e vetjak. I botojmë në revistën Kuq e Zi, që të mbetën aty si demonstrim i një lloj arti specifik, nga ana jonë. Në pamundësi që të paraqiten në ndonjë ekspozitë. Kështu që përveç portreteve të mbretërve ilirë, siç shihet figurat e mbretërve ilirë janë të punuara me fantazi, për t’ju dhënë njëfarë identiteti të përafërt, siç “na e ka prerë mendja”. Për ma tepër kemi fiksuar mbretnit e parë ilirë që nuk kanë asnjë shenjë të tyre. Ndërsa mbretërve të tjerë u kemi bashkangjitë edhe gratë e tyre, sigurisht të fantazuara, – gjë që u lejohet piktorëve.

Gjergj Kastrioti - Skënderbeu dhe e shoqja Donika
Gjergj Kastrioti – Skënderbeu dhe e shoqja Donika

Figura historike shqiptare
I dhamë përparësi Gjon Kastriotit, Skandërbeut e Lek Dukagjinit, figurat kryesore të historisë sonë. Pastaj vazhdojmë me mbretnit e mbretneshat iliro-shqiptare. Këto vizatime vendosëm të ua kushtojmë disa figurave madhore të historisë sonë, simbolikisht, që të qëndrojnë si kujtesë, të pranisë e kontributit të tyre në histori. Patjetër, si figura të racës sonë shqiptare të evidencuara në shekuj. Përsa i përket tre figurave të para të mesjetës, si atë e bir Kastriotët dhe Lek Dukagjini vendosëm në krye të rradhitjes me mbretnit paraardhës së tyre, me gjak iliro-shqiptar, por që bota e huej nuk na i njeh. Duke mos na njohur e mohuar origjinën tonë të lashtë, dhe si rrjedhim dhe figurat e mëdha historike të gjakut shqiptar. Kështu për të sanksionue këtë të vërtetë historike, ndërmorëm t’i fiksojmë këto mbretën e princa, parahistorikë e historikë, në vizatimet tona të stilizuara e modeste, por shumë simbolikë e njëkohësisht për ne shqiptarët një krenari legjitime. Këtë si detyre morale e patriotike iu ngarkua revistës Kuq e Zi, për t’ua përcjellë lexuesve të tashëm dhe të ardhshëm.

Lek Dukagjini dhe e shoqja Bardha
Lek Dukagjini dhe e shoqja Bardha

Portretet e 100 intelektualëve të interrnuar
Këtë lloj pune e arti e kemi nisur vonë, e siç e thashë, nga fakti i dobësimit të syve. Kjo është vërtet për t’u çuditur, sepse me këtë sistem, përveç serisë së mbretërve ilirë, arritëm të fiksojmë në skica skematike, një rradhë të burgosurve e internuarve të kampeve të komunizmit. E veçantë seria e 100 intelektualëve e patriotëve të kampit të izolimit të Kuçit të Kurveleshit, me të cilët ndamë dënimet, si dhe disa të kampit-burg të Porto-Palermos. Këta bashkëvuejtës kështu mbetën të fiksuar në faqet e revistës Kuq e Zi, për të mos u harruar kurrë.

Aleksandri i Madh dhe e ama Mbretnesha Olimpia
Aleksandri i Madh dhe e ama Mbretnesha Olimpia

Mbretën e mbretnesha ilire
Ne, kemi marrë përsipër t’u japim mbretënve e mbretneshave ilire një identitet figurativ, që të justifikohet ekzistenca e tyre, qoftë dhe me fantazinë e piktorit. E kemi filluar radhën me dinastitë shqiptare të Kastriotit e Dukagjinin, për të vazhdue me mbretërit ilirë, nga ma të hershmit, nga Hylli e me radhë. Nga 1300 deri 50 vjet para Krishtit, që janë 22 mbretën e 10 mbretnesha historike. Por që një pjesë e tyne ma e lashtë nuk ekzistojnë të figuruar, ndërsa me vizatimet tona, marrin një identitet pamor, siç veprojnë dhe vende të tjera, me koleksione vizatimore, të mbretërve e perandorëve të tyne të lashtësisë.

Princesha Argjiro heroina e Gjirokastrës
Princesha Argjiro heroina e Gjirokastrës, me figurën e së cilës mbyllim serinë e mbretërve iliro-shqiptarë.

Princesha Argjiro
Princesha Argjiro

Princesha Argjiro, qe vërtet asht një simbol heroizmi vetmohues. Siç dihet, historia e saj, shënohet nga invadimi i Shqipërisë nga Perandoria Osmane. Turqit e rrethuen Gjrokastrën dhe arritën ta pushtoninë. Argjiro, që ishte dhe luftëtare përkrah të shoqit, si e pa që turqit e morën qytetin, mori fëmijën në krah dhe u ngjit në kullën e kalasë, prej nga u hodh me djalin e vogël, duke gjetë vdekjen. Një akt heroik vetmohues për të mos ra në dorë të turqve. Kështu ajo mbetet simboli i qytetit që mori emnin e saj, Gjirokastër. Kështu që historia dhe heroizmi saj u përjetësuen dhe vazhdojnë të përjetësohen në amshim.

Mbreti Pirro dhe gruaja e tij Antigona
Mbreti Pirro dhe gruaja e tij Antigona

Por kjo punë e jonë me vizatimet që paraqitem, na shtyn, (po ta kemi mundësinë), që të vizatojme edhe mbretërit e tjerë iliro-shqiptarë, parahistorikë. Vullnetin e aftësinë e kemi, varet nëse ia nisim asaj pune, që asht pak e vështirë, sepse vizatimet bahen me kompjuter, dhe nuk asht aq e lehtë, t’i përvishemi asaj pune, duke konsiderue edhe moshën e thyeme që kemi.
Këto janë disa figura kryesore, që kanë lënë shenja të tyre. Do të paraqesim mbretërit e parë Ilirë pa gjurmë figurative, për të fiksuar e nderuar kujtimin e tyne…

Mbreti Agron dhe Mbretnesha Teuta
Mbreti Agron dhe Mbretnesha Teuta

Marrë nga Revista KuqeZi

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.