10.5 C
Tirana
E shtunë, 2 Mars, 2024

Mbeshtet RadiandRadi

spot_img

Vatra Promovon romanin e Dine Dines “Mbi Varkën e Karontit” (28 Prill 2018) – dhe një shënim nga Ilirjan Blloshmi

on

|

views

and

comments

Të mbledhur te Vatra
Të mbledhur te Vatra (2018)

Vatra Promovon romanin e Dine Dines

“Mbi Varkën e Karontit” (28 Prill 2018)

Vatra – në promovimin-debat pёr krimet e komunizmit, i pranishёm shkrimtari Visar Zhiti
Me 28 Prill 2018, Vatra promovoi
-Romanin e Dine Dines “Mbi Varkën e Karontit” dhe një
-Debat mbi krimet e diktatures komuniste nё Shqipёri, mosndёshkimi i fajtorёve si dhe informimi i brezit tё ri nё ShBA me kёto krime/
Romani “Mbi Varkën e Karontit” përcjell një kalvar të dhimbshëm vuajtjesh, përmes të cilit, ka kaluar vetë autori. Në këtë roman Dine Dine ka krijuar simbolikën e varkëtarit të famshëm që kalonte shpirtrat e të vdekurve nga njëri breg i lumit në tjetrin.
Këtë roman për vlerat që mbart dhe simbolikën që përcjell, Vatra po e përkthen në gjuhën angleze për t’i mundësuar brezit të ri në SHBA njohjen me krimet e diktaturës komuniste. Përkthimi ka përfunduar dhe së shpejti vepra do të botohet.
Adresa: Vatra – 2437 Southern BLVD – Bronx, NY 10458
.
Ilirjan Blloshmi me Visar Zhitin dhe të shoqen Edën
Ilirjan Blloshmi me Visar Zhitin dhe të shoqen Edën

Fisniku Visar Zhiti! Faleminderit Dine Dine

nga Ilirjan Blloshmi

Kisha kohë që nuk kisha qënë tek Vatra këtu në New York. Arsyet kanë qënë politike sepse unë shaj Berishën kjo është cool fare po fare. Sot isha sepse u promovua libri Dine Dines. Djalin e Dines e njoh, me ftoi, i thashë do të vij, nuk i thashë gjë se unë jam “armik” i Vatrës, disa persona u habitën, zgurdudhuan sytë, – nejse u përshëndeta me të zotin e punës. Nuk i thashë as Ervinit dmth të birit e as vetë Dines që e kam lexuar librin.
Nuk e kam zakon që të shkoj në të tilla evente pa lexuar librin. Libri ka një labrint që vetëm ata që kanë kaluar në “kurriz” kalvarin e vuajtjeve e kuptojnë, të tjerët bëjnë llogje Kavaje.
Libri të “shtie frikën” kur e lexon, akt-akuzat e diktaturës, dënimet, internimet, që përcjell e të duken sa abstrakte dhe të paimagjinushme. Mjafton simbolika e varkëtarit të famshëm që kalonte shpirtrat e vdekur nga njëri breg i lumit ne bregun tjetër. Për të kuptuar ferrin që kanë kaluar. Teksa po kaloja në mendje copza të librit.
Befas tek dera u shfaq Visar Zhiti bashkë me bashkëshorten Edën. Kisha kohë pa e takuar, e përshëndeta, e përqafova kishte mbetur po ai fisnik që ka qënë, (thonë që kur përqfon një burrë shpatullat e tij tregojnë shpirtëroren). Në sallë filluan belbëzimat, zhurma, shtrëmbimi i buzëve, psherëtimat. Visari dhe familja Dine njihen që në kohën kur burrat bënin burg politik, e fëmijët, nënat, bashkëshortet ishin në internim. Fisnikria e Visarit u tregua dhe sot kur për një bashkëvuajtës, udhëtoj 5 orë nga Washington DC deri në New York. Në bisedë e sipër mora vesh se Visarin e kishin emëruar në ambasadën tonë këtu në USA. M’u bë qefi, m’u bë zemra mal, burri fisnik me flokët e bardhë që rrinte para meje, ishte vlerësuar nga një qeveri e majtë, e jo nga një qeveri e djathtë.
.
Dine Dine - Mbi Varkën e Karontit - Roman
Dine Dine – Mbi Varkën e Karontit – Roman

.

Pasi mësova për Visarin, aty i kuptova pse kur ai hyri në derë, filluan pshëtërimat, belbëzimat, shtrëmbimi i buzëve. Ajo sallë m’u duk si te “Gomari i Babatasit” i At Gjergj Fishtës. Po të shikosh veprën e Fishtës shikon që gomari i babatasit ka tipare njerzore, sepse është në një proces transformimi, ka një buzqeshje si sfinks. Siç na tregon Ati. Babatasi ftohet nga pari i vendit për të ndërtuar Muzeun Kombëtar. Por për të ndërtuar duhet të mbledhë gjëra nëpër Shqipëri. Ai blen një gomar, të cilit i ndodh një transformim i çuditëshme, ai kthehet në njeri dhe futet në parlament. Disa njerëz që ishin aty dhe që janë transformuar fiks si “Gomari i Babatasit” nuk e kuptojnë dot faktin se fisniku Visar nuk ka nevojë për poste e as për kolltukë. Ashtu si Fishta shkruan:
“Ju rrugaça e sallahana
vagabonda, shakllabana,
rriqna t’ndyet, mikrobe të kqij”
Duhet të kuptoni se edhe universi i politikës, si çdo univers i ka të gjitha brenda vetes. Ka lindjen, jetën, dritën, hijet, errësirën, varret, sekretet, dashuritë, incestet, madje ka dhe morgun e vet. Politka ka hyrë aq keq në ne sa çdo gjë e shohim me lenten politike. Vatra duhet të jetë e të gjithëve jo e X grupi apo e Y grupi. Vatra nuk duhet të merret me politikë, duhet të flasë me emra të njëjtë. Të merresh me politikë do të thotë mos jesh i lirë, të mos thuash kurrë atë që mendon, të bëhesh cinik, rrëshqitës. Në universin e politikës e nis nga vdekja dhe jo nga lindja, e veçanërisht në Shqipëri.
Këta “rrugaçë e sallahnë” që ishin sot aty përbuzën Visarin si njeri që ka pranuar të marrë një detyrë nga një qeveri që sipas tyre është komuniste.
Këta “vagabonda, shakllabanë” ishin sot aty për veten e tyre, nuk ishin as për Dine Dinen, e as për Visarin. Ishin aty sepse kanë interesa me të gjithë ata që financojnë Vatrën. Donin që t’i tregonin Fatmir Mediut se ja jemi ne nuk e lëshojmë. Donin t’i tregonin Sali Berishës se ja ku jemi se mos kujton se të harruam.
Këta “rriqna t’ndyet, mikrobe të kqij” e kanë çuar Vatrën në at pikë sa nuk kanë një korrnizë për të vënë fotografinë e Konicës, nuk ka një gozhdë të varin foton e Nolit. Faleminderit Dine Dine që na bërë bashkë, faleminderit që na solle Visarin sot kuptova që shtresa jonë është e nderur që ka vlera si Visar Zhiti. E Shqipëria jonë ka një intelektual që na i rrit vlerat në Washington.
Marre nga Muri i fb Ilirjan Blloshmi, 29 prill 2018
 

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.