Nermin Vlora Falaschi
Profili i grave shqiptare në histori
Nermin Vlora Falaschi, ishte e bija e Halit bej Zarshatit dhe Belkize hanëmit. I ati ishte ushtarak, kurse e ëma e bija e Myvedet H. Vlorës, fëmija i madh i Ismail Qemal bej Vlorës. Mësimet e para i mori në Institutin Kirias në Kamzë dhe më pas vazhdoi në Institutin “Nana Mbretneshë” në Tiranë. Në moshë mjaft të re (17 vjeçe), njohu oficerin italian Enzo Falaschi me të cilin u martua dhe, para ardhjes së komunistëve në pushtet, u larguan së bashku për në Itali. Nermin Vlora filloi të merret me shkrime dhe përkthime që në bankat e shkollës së mesme, kur përkthente poezi nga gjuha frënge dhe italiane për Radio Tiranën. Në Itali Nermini studioi shkencat juridike dhe u pajis kështu me dituri të gjera. Fliste disa gjuhë të huaja dhe kjo aftësi e ndihmoi sidomos në gjurmimet e saj njëzet vjeçare mbi çeshtjen etruske. Gjatë punës së saj kërkimore bëri deshifrime-përkthime të kësaj gjuhe nëpërmjet idiomave të gjuhës shqipe, duke pohuar se kjo gjuhë mund të shpjegohej vetëm nëpërmjet shqipes. Kjo çështje u bë temë e rrahur nga mjaft studiues të këtij lëmi, një pjesë e të cilëve pajtohej me Nerminin. Puna dhe interesimi i saj zgjerohet në lëmin e letërsisë, arkeologjisë, historisë, gjuhësisë dhe antropologjisë
…