Mbetem armik i betuar i së majtës shqiptare…
nga Adriatik R. Dosti
Nëse do të finalizohet një projekt që kemi ende në kokë unë dhe disa nga miqtë e mi të sërës time, ju siguroj se me kënaqësi, vendosmëri e përgjegjësi të madhe para vetes, familjes sime, vlerave të lirisë e demokracisë si dhe obligimit ndaj vendit e popullit tim…
do të pranoja me kënaqësi të isha në krye, në këshillin drejtues apo qoftë edhe anëtar i thjeshtë i saj në… Partinë e së djathtës së vërtetë konservatore… madje radikale e nacionaliste!
Sepse nuk mund të qëndroj dot më në atë lloj partie ku po shave a kritikove partinë e liderin e saj të turren tufat e turmat e injorantëve e militantëve të sëmurë mendorë që janë gati të të linçojnë deri në brezin e 7 familjar.
Sepse jeni bërë me të neveritshëm se sa edhe vetë Ramë – ordineri e patronazhistët e tij vemje.
Sepse në vitin 2026, e ndjej turp të madh moral së pari… të mbetem peng i Nokizmit e Vokshizmit!
Nën hyqmin e atyre që rrahin një përfaqësues të klasës së të persekutuarve politikë vetëm e vetëm pse guxoi e tha: “Rama në burg e Berisha në burg!”
Sepse përtej çmendurisë… pas disa shkrimeve të mija të fundit ku ju a them hapur e publikisht e me fakte konkrete gabimet e të metat, por edhe fajet e gjynahet si PD e Berishës po ashtu edhe drejtuesve e anëtarëve të saj… dikush nxitoi e më vuri etiketen e spiunit të sigurimit (???)
Ani pse kam vite të tëra që edhe pse me kosto jo të vogël personale s’kam reshtur së shkruari publikisht e së qeni në frontin e vijës së parë të betejës antimajtiste, anti-Rama e anti-bandës kriminale të tij në pushtet.
Sepse ata gojëhalete me gjysëm metri mbiemër, ata që për Partinë djegin Shqipërinë, anonimet e besnikët qorra e mendjetredhur të Partisë e të Liderit të saj s’e kanë fare për gjë që sot të shpallin Hero e nesër që në mëngjes …armik e tradhëtar.
Sepse formimi im qytetar, intelektual e demokratik nuk mund të pranojë dot që një drejtues partie opozitare si Noka të shfaqet si cub e si bandit përpara një gazetari në një studio publike tv.
Sepse unë nuk mund të gënjehem dot më e të mashtrohem nga intervista televizive të tipit Lenka Çuko me autore Albana Vokshin.
Sepse është e turpëshme që një drejtues opozitar i nxitur ndoshta edhe nga të qenit dhëndër në një familje ultra komuniste të deklarojë publikisht se… PS është e mbetet një (???)
Sepse ndihem i fyer kur lexoj se si i janë turrur militantet shpellarakë vajzës sonë tironce, demokrate e intelektuale por edhe të persekutuar familjarisht deri në gen… Keda Kacelit vetëm e vetëm pse i doli në mbrojtje një ish të persekutuari politik… që siç e thashë më sipër guxoi e tha: “Edhe Berisha në burg”.
Kam qënë e mbetem deri në vdekje armik i betuar i së majtës shqiptare, i partive e i liderëve të saj ndër dekada…
Ndaj edhe do të vdes po kështu: idealist, patriot, atdhetar, shqiptar i ndershëm, guximtar, trim e kurajoz për ta thënë të vërtetën publikisht e ashtu siç është, antikomunist, demokrat e nacionalist …burrë që erës e fortunës i nxjerr gjoksin e nuk i kthej shpinën!
Dhe nuk ndryshoj dot as për t’u bërë qejfin juve e as për inat të sime vjehrre të vete e të fle me mullixhinë… Ok!?
Sepse kjo është gjeneza ime familjare: një familje e fis që ndër dekada luftoi me pushkë e penë e derdhi gjak për Shqipëri e shqiptarì.
…Ndaj dhe sot si kurrë më parë jam për Rama e Balluku në burg, për rrëzimin madje të dhunshëm të Ramës e bandës së tij kriminale në pushtet, për bashkim kombëtar, por jo me të keqen e me të keqin mes nesh e krah nesh… sepse e hëngrëm njëherë keq fare kur bëmë aleancë me Metën… prej të cilit e kemi peshqesh Ramën e sotëm! Ok!?
Por nuk mund të jem dot më kurresesi me mbajtjen peng të PD-së, e cila në 14 vjet nuk ka fituar asnjë lloj beteje të vetme politike e asnjë lloj palë zgjedhjesh.
E për këtë dikushi duhet të përgjigjej e të merrte fajësinë që i takon pasi zhgënjimi i demokratëve të vërtetë është goxha i madh… dhe me të drejtë.
Nuk mund të jem dot më me asnjë lloj klani brenda PD që e ka çuar extremisht në këtë farë derexheje partinë e parë opozitare shqiptare.
Nuk mund ta pranoj dot më pyetjen e justifikimin, po doktori a i di këto…. nuk ka faj doktori po ata rreth tij që abuzojnë kësisoj… etj .
Sepse jam kundër fuqishëm mes rrahjeve mes nesh, rreth përçarjeve mes nesh, mes bërjes armiq mes nesh, mes militantizmit – armik të demokracisë siç thotë Vaclav Haveli e mes atyre lloj komunistësh e spiunësh të djeshëm, të neveritshëm të konvertuar sot në demokratë të flaktë….
Dhe tani të gjithë ju dhe kategoria juaj e turravrapëve për të sulmuar si Hienat të gjithë ata që nuk mendojnë si ju e që nuk i puthin bythën partisë e liderit të saj, por i ulen në gjunjë e i detyrohen vetëm Atdheut e Popullit të tyre… bjerini legenit se i bini bukur! Ok!?
Derisa, një mëngjes me shi a me diell pak rëndësi ka… ta shihni veten të lagur në mes të Diellit e të përmbytur mendërisht në mes të Shiut.
Armiq të demokracisë jeni Ju e kurresesi Ne…! Jo për gjë por e keqja trashëgohet dhe është në gjak… e pikërisht këtu e në këtë mes, dallimi i trashëgimisë e i llojit të gjakut bën dallimin e madh midis jush e nesh…!!
Sepse doni a s’doni ju komunisti nuk shndërrohet dot kurrën e kurrës në demokrat dhe se oxhaku nuk bëhet dot kurrën e kurrës buxhak… Ok!
Adriatik R. Dosti