Kjo që bëjnë këta është e padëgjuar!
nga Klodian Tomorri
Veliaj në burg.
Gjykata e lë në burg, por pastaj thotë që është kryetar.
Veliaj shkarkon atë që i delegoi firmën dhe nuk i ha shuli hiç të emërojë një tjetër.
Pashai heq duart nga gjithë ky m*t dhe thotë: Veliaj është kryetari legjitim, s’ka punë qeveria.
Kjo është pengmarrje e një qyteti të tërë.
Njësoj si ata që merrnin peng njerëzit tek AKSHI, por me një ndryshim të madh:
Ata të AKSHI-t, 2-3 veta morën peng.
Këta kanë marrë 1 milionë njerëz peng dhe nuk u kërcet hiç. Po hiç fare!!
Supozoni një çast që Veliaj nuk e delegon firmën tek askush.
Dhe kështu ka për të ndodhur se ai me këtë punë do t’i bëjë presion gjykatës dhe SPAK-ut për të dalë jashtë.
Kush do t’i firmosë rrogat, ndihmën ekonomike të hallexhinjve etj, etj?
Por ja supozojmë se do e gjejnë një zgjidhje për rrogat dhe asistencën.
Po qindra dokumentat e tjera që duhen me firmën e kryetarit kush do t’i firmosë?
Prandaj bota e ka zgjidhur këtë punë.
Sa merret i pandehur një zyrtar, lëshon letrën e dorëheqjes në tavolinë dhe shkon në punë të vet.
Kurse këta djegin vendin për të shpëtuar te ndenjurat e tyre.
Ku e gjejnë kaq guxim ta dhunojnë këtë milet kështu?
Të fortë janë!!