back to top
19.5 C
Tirana
E diel, 19 Maj, 2024

Stalini, Mozarti dhe Maria Judina (Pjesa e Tretë)

Gazeta

Stalini, Moxarti dhe Maria Judina
Stalini, Moxarti dhe Maria Judina

Stalini, Mozarti dhe Maria Judina  (Pjesa e Tretë)

(poemë nga Jevrem Berkoviç)

Përktheu Lazër Radi – 1989

Mihail Nikollajeviç Tukaçevski (1893-1937)
Mihail Nikollajeviç Tukaçevski (1893-1937)

Mihail Nikollajeviç Tukaçeski

nuk kërkoi mëshirë!

Ma i riu marshall i Ushtrisë Kuqe
Mihail
Nikollajeviç
Tukaçevski,
aristokrat,
n’Revolucion hyni me dorashka të bardha
njashtu si dashnorët në Bulevardin Nevski.

Mihail
Nikollajeviç
Tukaçevski,
Udhheqës i madh në gjitha frontet e Tetorit,
shtypi kryengritjen e detarëve në Kronshtad,
luftoi si luan kundra Polonisë
dhe u ndal në të dymbëdhjetin kilometër para Varshavës!

Mihail
Nikollajeviç
Tukaçevski,
delegat në kunorzimin e mbretit të Anglisë Gjergji i V-të,
kur e pa Ledi Elizabet e Uindsorit,
ma e reja shoqnuese e Nanës Mbretneshë,
deklaroi për gazetat që dilnin at mëngjes se:
“Revolucioni i shëmtoka gratë, por i hijeshoka burrat!”

Mihail
Nikollajeviç
Tukaçevski,
i vetmi mes katër marshallëve sovjetikë të zhdukun
që Kob Xhugashvilit s’i kërkoi mëshirë!

Mihail
Nikollajeviç
Tukaçevski,
nji natë para burgimit,
në klubin e oficerëve ‘Aurora’ darkoi “kambë ariu”,
piu shampanjë për shëndetin e nji armeneje t’re,
të cilën as EN-KA-VE-DEJA s’mbrriti me e identifikue!

Në letrën nisun Kob Xhugashvilit
Mihail
Nikollajeviç
Tukaçevski,
që në shtypin londinez gjatë festës së Kunorës
u quejt, “Ariu i Kuq” – me sjellje xhentëlmeni –
në letër pohoi se ishte akuzue rrejshëm,
se lajthitja e Kobit ishte ma e madhe se vetë Kremlini,
se dyshimi i Kobit ma i rrezikshëm se nazizmi,
se Xhinxhis Kani para Atij s’ka qenë tjetër
veç nji qingj i randomtë Mongolie, hypun mbi kalë!

Stalini, Mozarti dhe Maria Judina
Berkoviç – Stalini, Mozarti dhe Maria Judina –
Perktheu Lazer Radi Saver 1989

Në letër,
Mihail
Nikollajeviç
Tukaçevski,
s’kërkoi falje,
s’pati dëshirë t’i faleshin mëkatet që s’i kish ba kurrë,
nuk ngjiti në qiell askënd,
bile as Rusinë e Shenjtë s’e përmendi!
Kob Xhugashvilin e shpërfilli
duke thanë se: Kremlini po digjet ndër flakë dyshimesh!

Në letrën e tij
Kob Xhugashvili shënoi: “I poshtri!”
Klement Jevremoviç Voroshillovi,
si zakonisht, ra dakord me Kob Xhukazhvilin
dhe qartas firmosi nën firmën e Stalinit!

Llazar
Mojsijeviç
Kaganoviçi,
bolshevik i vjetër dhe anëtar i politbyrosë së Kobit,
shkroi pocaqinë e rradhës,
të cilën asnji Kaganoviç i vjetër s’do ta bante:
“Tradhtar, ndysinë, plehurinë nga bordelli i ushtrisë!”

Dëshira e fundit
e Mihail
Nikollajeviç
Tukaçevskit
Ishte që n’pushkatim të shkonte me dorashka të bardha!
Dëshira s’iu plotësue.
Rreshteri plak Nikollai Sergejeviç Gurkov
urdhnoi ushtarët e tij
me qëllue mbi marshallin, njashtu duerçveshun!

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.