10.5 C
Tirana
E diel, 3 Mars, 2024

Mbeshtet RadiandRadi

spot_img

Shën Lasgushi – Shenjtor i Lirikës Shqiptare

on

|

views

and

comments

Statuetë e Lasgushi nga Vaskë Basho
Statuetë e Lasgushi nga Vaskë Basho

Shën Lasgushi – Shenjtor i Lirikës Shqiptare

Shën Lasgushi,
desh dhe dëshira iu realizua…
Shkoi në Shënjtëri më pas se shkoi në vdekje Enveri.
Shën Lasgushi sot është ikonë në çdo kishë shpirti
e në çdo manastir të nesërmes…
Petraq Kote

Në pak rreshta,
një poet gjenial i shkollës së Romantizmit,
si Lasgush Poradeci,
jep gjithë pafundësinë e Universit,
duke demonstruar me një hir të jashtëzakonshëm
forcën magjike të Artit…
Robert Martiko

Më 12 nëntor 1987, 29 vjet më parë, Ti Shtërg fluturove…
Ti ishe Poeti, dhe meqë vetëm Poetit i dhurohet hiri i artit –
dhe hir i artit është frymë prej frymës së perëndishme –
se vetëm Poeti mund të bëjë art, art immanent,
që domethënë prej mundësirave të pakufishme,
po gjithnjë dhe fund e krejt të brendshme të Poetit.
Unë dhe Kostandina falenderojmë çdo ditë Zotin,
që ishim fëmijët e tu,
sepse ti na ke lumturuar shpirtin dhe na ke mësuar
jeta jetohet vetëm shpirtërisht…
Maria Lasgush Poradeci

“...nuk ish rastësi, që Ylberi i qëndroi aureolë mbi monumentin e tij...” Entela Gusho
“…nuk ish rastësi, që Ylberi i qëndroi aureolë mbi monumentin e tij…” Entela Gusho

Mbarim Vjeshte

vargje nga Lasgush Poradeci

Fluturoj dhe shtërg’* i fundit, madhështor, me shpirt të gjorë
Dyke shkuar që me-natë sipër malesh me dëborë…
Iku rënd’ e i përmallshmë, dhe me sqep të ti të fortë
Zotëriut q’i la folezën i trokiti mun në portë…

Pra më s’duket shpes’i fatit prapa bujqish edhe plorësh,
Prapa brazdës së rëxuar hap-me-hap prej qè malorësh;
Më s’dëgjohet nër ugare të kërcasë miu i hirtë,
Vdiq nepërka pikëlore ndaj blatisht’** e shkretëtirë.

Dheri-i mardhur prej thëllimi dirgjet heshtur nënë brymë,
Fryn veriu në pyll të thatë me zembrim e me fërtymë,***
E si shtohet cingërima… ja! se ku dinak dh’i voçërr
Nëpër gardhe-e nëpër ferra dërdëllet gazmor një çoçërr…!****

O! sa hir që kishte shtërgu, aq fisnik me shtat të gjorë,
Kur bariste dal-nga-dale – posi dhëndër me kurorë!…
E kur pranë-i vinte krilla, që shëndrij në kraharuar,
Me sy lart, me hap të matur – posi vash’e nusëruar…!
Poradec 1921, Korrik.

*Shtërg – lejlek
**Blatishtë – moçalishtë
***Fërtymë – stuhi
****Çoçërr – zog i vogël, cinxami, çerr

Marrë nga muri i fb. i Marie Lasgush Poradecit, 11 nëntor 2016

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

1 Koment

  1. Lame Fandi: Në vend të komentit, po vendos një shënim të shkurtër dërguar mikut tim Robert Martiko, pesë ditë më parë.
    “I dashur Robert, sot ne facebook pashë një foto ku Lasgushi ka dalë së bashku me shokë të nivelit të tij të lartë. Meqë fytyrat ishin të vogla, po mjaft të pastërta, e veçova për ta parë se si do të dukej i zmadhuar si dhe për t’u përqëndruar më mirë te shprehja e botës së tij të brendëshme. I tërhequr dalëngadalë prej thellësisë së saj, ndjeva një mrekullim, që s’mund të rrija pa e ndarë me ty.”
    Si zakonisht, Roberti më dërgoi përgjigjen e tij: “I dashur Lame, Lasgush Poradeci është një figurë e mrekullueshme, që përfaqëson denjësisht kredon tonë evropiane, që nuk ka asnjë lidhje me metastazat e Njeriut të Ri” (13 nentor 2016)

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.