back to top
11.5 C
Tirana
E enjte, 28 Mars, 2024

Nji poezi e famëshme e at Gjergj Fishtës… dhe akuza e përjetshme e Komunizmit per antishqiptarizëm!!!

Gazeta

Poezia e Fishtës - me të cilen regjimi Komunist e shpalli antishqiptar...
Poezia e Fishtës – me të cilen regjimi Komunist e shpalli antishqiptar…

Nji poezi e famëshme e at Gjergj Fishtës

dhe akuza e përjetshme e Komunizmit per antishqiptarizëm

“…asht detyrë e të gjithve,
që historia e përbindëshave të kuq,
të dalë deri në skutat ma të imta!
E kam botue këtë monografi para disa viteve,
ku flitet për jetën dhe aktivitetin e tim eti, muzikantit Zef Lekaj,
e ku nji ndër akuzat ma të randa ishte,
edhe dashnia e tij e thellë ndaj at Gjergj Fishtës…” leon lekaj
.
Leon Lekaj - Nje Artist...
Leon Lekaj – Nje Artist…

Hetuesi: Janë pikërisht këto ide, kjo propagandë që ti ke zhvilluar andej-këndej që të solli këtu. Je munduar me mish e me shpirt të helmatisësh njerëzit e artit që ke pasur pranë. Edhe për reaksionarin, klerikun e paturp, Gjergj Fishtën ke llomotitur. Ç’thua për këtë?

Unë (Zef Lekaj): Kam thënë se at Gjergj Fishta ishte Poet i madh.
Hetuesi: Po si s’ke turp të vlerësosh një njeri të tillë, që gjithë jetës ia ka kushtuar Italisë fashiste dhe reaksionit?
Unë (Zef Lekaj): Unë di që i ka shërbyer vetëm Shqipërisë.
Hetuesi: Gjepura! Vjershat e tija janë një hiç, një zero me xhufkë! Pastaj… ai pranoi të bëhej edhe Akademik i Italisë. Nuk e tregon kjo fytyrën e tij të vërtetë?
Unë (Zef Lekaj): Zoti hetues, shumë njerëz me vlerë kanë qenë Akademikë Nderi të një shteti tjetër, por kjo nuk tregon se ata kanë qenë të shitur tek të huajt.
Hetuesi: I pandehur, shihet qartë se sa i zhytur je në llumin e reaksionit dhe njëkohësisht se sa injorant që je. Si ke mundur të harrosh shprehjen e Fishtës kur shkruan: “…Le ta dijë bota mbarë, Se at Gjergj Fishta s’asht ma shqiptar…!” Ç’pret ti atëherë nga një poet që mohon troç atdheun?!
Unë (Zef Lekaj): Konteksti, në të cilën gjinden këto vargje të Fishtës nuk të çojnë tek ai përfundim, që ju pretendoni… pastaj… “Lahuta e Malcisë” a nuk është një provë e padiskutueshme e patriotizmit të tij?
Hetuesi: Jo i pandehur, jo! Dhe mos kujto se po ma hedh! Sapo përfunduam ekspertizën për veprat e Fishtës dhe këtë ekspertizë e bënë intelektualë të shquar si drejtori i Gjimnazit V. Gj. dhe profesori i historisë. Ata pohojnë se çdo vepër e Fishtës mban frymën e karakterit të tij reaksionar e antikombëtar.
Unë (Zef Lekaj): Ekspertiza e tyre zoti hetues, është e pavlerë sepse, ata nuk e kanë lexuar asnjëherë Fishtën, por edhe sikur ta lexonin nuk do ta kuptonin kurrë atë.
(Hetuesi u nevrikos përsëri, i ra ziles dhe polici më shoqëroi në qeli.)
Nga ditari i tim ati Zef Lekaj.

Materiali u mor nga faqja e FB, e Cezar Ndreut dhjetor 2016

Gjergj Fishta (1866-1940)
Gjergj Fishta (1866-1940)

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.