Ndahet nga jeta Prof. Zeff Chiaramonte
Me pikëllim të thellë njoftojmë ndarjen nga jeta të profesorit dhe veprimtarit nga Hora e Arbëreshvet, Zeff Chiaramonte.
Prof. Chiaramonte ishte me origjinë nga katundi arbëresh, Santa Cristina Gela. Ai ishte autor i disa librave mbi gjuhën dhe kulturën arbëreshe. Prof. Chiaramonte ishte i angazhuar në komunitet, në shkollat publike dhe në bibliotekën që drejtonte, ku mbante kurse falas në shkrim e këndim të arbërishtes dhe shqipes. Ai ishte anëtar i Këshillit koordinues të QSPA-së dhe mik i stafit të saj. Prof. Chiaramonte do t’i mungojë komunitetit të Horës së Arbëreshëvet dhe anembanë Arbërisë, si një njeri i palodhur dhe i përkushtuar në krye të shumë nismave dhe studimeve për arbërishten dhe kulturën arbëreshe.
Më 26 nëntor 2023, patëm gëzimin të shihjëm në mes spektatorëvet të komedisë Kërkuesit, Zef Chiaramonte bashkë me të shoqen Angela. Si sosi komedia, Pierpaolo Petta na bëri disa foto çë nani janë të çmuashme, përçë na dëftojën Zefin mirë e të qeshur edhe për komedinë.
I përjetshëm kloftë kujtimi i tij!
Marrë nga Muri i FB i Zef Schirò Di Maggio, 11 – 12 shkurt 2024