Lamtumirë, o drandofille Shkodre!

0
9
Roza Radi - Prennushi (1920-2017)
Roza Radi - Prennushi (1920-2017)
Viktore Radi, me kunatin Balto dhe Roza me Alfredin e Ferdinandin - Tiranë 1945
Viktore Radi, me kunatin Balto dhe Roza me Alfredin e Ferdinandin – Tiranë 1945

Lamtumirë, o drandofille Shkodre!

Ka ndrruar jetë nji grua e thjeshtë, që mbërriti deri në kufinjtë e shekullit; nji nanë dhe gjyshe e mrekullueshme artistësh; nji zonjë ambël e një familje të fisme, derën e së cilës e kanë shkelur jo me dhjetra, as me qindra po me mijra figura të vyera të kulturës shqiptare.
Prej dje, me 18 janar 2017, do të na mungojë të gjithëve ne që e deshëm aq fort, që e respektuam aq shumë deri në ma të fundmen ditë të jetës,
 
Roza Radi - Prennushi (1920-2017)
Roza Radi – Prennushi (1920-2017)

Zonja Roza Radi – Prennushi,

nji zonjë e vërtetë në urtësi që s’do t’u mungojë veç të afërmve po edhe gjithë atyre që e njohën, që jetuan rreth saj, atyre që i priti dhe i përcolli me buzqeshje të pashtirur dhe me fjalën aq të ambël shkodrane: “Hë moj nanë!”; do t’i mungojë më shumë edhe ndonjërit prej nesh, që s’do të mundet me i hedhë nji grusht dhè, në ditë të lamtumirës së fundit!
Roza Radi – Prennushi, 98 vjeçare, u shua në qetësi të plotë, ashtu si nji kandil që ka derdhë gjithë jetën vetëm dritë të butë ndër njerëz! Ajo ishte e fundmja e krejt një brezi që vuajti përtej vuajtjeve; që dhuroj dashuri përtej fjalëve; që mbeti portë e hapur kurdo për e këdo edhe në kohën e urrejtjes dhe spiunimit; që shtronte dreka e darka me çka i ndodhesh, e s’kishte bukë për pesë fëmijët e saj; një njeri i varfër po me shpirt të gjanë si deti, një grua që i adhuronte nga thellësia e shpirtit po s’guxoi kurrë ta thoshte se ishte mbesë e Imzotit (Vinçenc Prennushit) dhe kunatë e Doktorit (Lazër Radi), veçse në konfidencë, fjala e saj për këta dy njerëz do të kishte ato përmasa që veç shpirti i saj mund t’i jepte…
Halla Rozë, ishte nënë e Ferdinand Radit (artist, dramaturg dhe regjizor) e Françesk Radit (kompozitor, kantautor, muzikant) e Alfons Radit (kampion Shqipërie në ngritje peshe) ajo ishte gjyshe e Andeta Radit, Rozana Radit, Egesta Radit – vajza të skenës, muzikës dhe artit, po edhe e shumë nipave e mbesave përplot me vlera dhe energji që do t’i kishte lakmi çdo nënë dhe çdo gjyshe e kësaj bote…
Roza Radi, Vitore Radi, Filip Ndocaj e Gjuliana Radi - Tirane 1942
Roza Radi, Vitore Radi, Filip Ndocaj e Gjuliana Radi – Tirane 1942

Të gjithë do t’i ikim një ditë kësaj bote… Edhe ti i ike në një ditë dimri si kjo! Kush të ka njohur ka veç mirësinë tënde brenda vetes, kush nuk të ka njohur, ka dashurinë dhe respektin tonë për ty! Nuk mund ta përcillja ndryshe lamtumirën time, veçse me fjalët e tua: “Me nam, ja ke ba moj nanë, kërkush s’ka mujtë si ti!

I lehtë dheu si shpirti yt, Halla Rozë!
Jozef Radi,
19 janar 2017
Fossano, shkurt 2016
Fossano, shkurt 2016
Me dhimbje njoftojmë se me 18 janar,
u nda nga jeta nëna dhe gjyshja jonë Roza Radi.
Varrimi bëhet nesër, me datë 20 janar,
në orën 12.00. Nisja bëhet nga shtëpia
(Pazari i Ri, Rruga Musa Karapici – Pallati i ri, Shkalla 1, kati 4)
për ta përcjellë drejt banesës së fundit në Sharrë.
Familja Radi

Related Images:

Artikulli paraprakJu jeni vetë – tmerri i këtij vendi… nga Rezart Palluqi
Artikulli tjetërProfesor Skënder Luarasi në kujtimet e Lazër Radit – “Libri i Dytë i Kujtimeve”
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.