, ndërsa inaugurimi u bë më 23 maj 1942.){kind=link}
Kinema “Tomori”
nga Gazmend Bakiu
Kinema “Tomori”, u ndërtua në Tiranë, nga italianët brenda 6 muajsh, përgjat pushtimit. Kapaciteti i saj ishte 750 spektatorë, (600 vende në plate dhe 150 në lozha), ndërsa inaugurimi u bë më 23 maj 1942.
Në shfaqjen e parë u dha një dokumentar i “Luce”-s dhe filmi “Shën Mëria”, me subjekt nga një roman i Guido Minalesit. Aty mori pjesë Mëkëmbësi i përgjithshëm i Mbretit të Italisë, Francesco Jacomoni, i shoqëruar nga e shoqja Dona Maja, por nuk rezulton se ai preu ndonjë shirit inaugurimi, siç ndodh rëndom në kësi rastesh.
Në vitin 1945, kinema “Tomori-t” ia ndërruan emrin në “Brigada”. Ajo mbetet e përmendur më shumë se sa për filmat e shfaqur, për gjyqet e “armiqve të popullit”, të Hamit Matjanit (1954) dhe të Teme Sejkos (1961), sipas zakonit të asokohshëm të partisë për të zhvilluar gjyqe në salla kinemaje.
Pasi shërbeu për dy dekada si kinema dhe si sallë gjyqesh, në vitet ‘60 të shekullit të kaluar, kinema “Tomori” (“Brigada”) u rrafshua dhe vendi aty u bë lulishte, por kjo nuk zgjati shumë.
Në vitet ’70, pikërisht në atë vend u ndërtua godina ku u vendos Komiteti i Partisë së Punës, për Tiranën. Pas 1990-s, kur Partia e Punës, e ndërroi emrin në Parti Socialiste, ndërtesa u bë selia e PS-së.
Ashtu vazhdon edhe sot.
Marrë nga Muri i FB Gazmend Bakiu, 5 mars 2025