A funksionon Instituti i Rehabilitimit? nga Shpend Sollaku

1
17
Poeti Shpend Sollaku në fund të viteve '70
Poeti Shpend Sollaku në fund të viteve ’70

A funksionon Instituti i Rehabilitimit?

nga Shpend Sollaku

“Rehabilituam” të huajt. Ç’bëjmë për shqiptarët?

Nga rubrika: “Kujtesa historike përmes shkrimesh…”

Shënim: Ky shkrim është i vitit 1991, i botuar në numrat e parë të «RD»-së, atherë kur besoja se kjo gazetë shpresëdhënëse do të ishte vërtetë pasqyrë e brezit më demokratik shqiptar. Dërgova disa shkrime në kët organ të parë opozitar, derisa atje nuk kishin hyri ne redaksi X-i apo Y-i, ish-ët që mbanin erë… Ka ndonjë gabim daktilografik, sepse atëhere dorëshkrimet ia dërgonim sekretarisë, mbasi një makinë shkrimi në shtëpi ishte nji luks për disa të pakët, e jo për ne…

Në një program të TVSH, për pak u përlota, kur në ekran nisi të këndojë Gloria Gaynor. S’ishte aspak efekti i zërit të këngëtares së njohur, por një kujtim i viteve të gjimmnazit. Në prag të provimeve të maturës, sekretari i parë i rinisë pë Lushnjen, Gj. Velo “na përjashtoi” nga shkolla që në rrugë, pasi na “zuri mat”, në periferi, duke kënduar pa zhurmë me kitarë këngën “Reach Out”, që dëgjova tani vonë në TV. Shtoi këtu dhe xhepat pllakë të pantallonave kadife dhe agjentë të revizionizmit(!). Shto këtu dhe raportimin që kisha shtuar “mbi normë” një element të antenës së televizorit, (elementi ishte agjent i imperializmit). Eh, “famëmadhi” plenium i katërt! Lëshove rrugëve instruktorë dhe sekretarë rinie, makinat nuhatëse të policisë, që shqyen pantallona e funde vajzash, caktove (të paktën kështu na thoshte drejtori i shkollës) normën e gjatësisë së flokëve, (jo më shumë se 2 – 3 cm) vure kufirin e favoriteve deri në kockën në tëmth, që u quajt “kocka e partisë”!!

Shkrimi i Sollakut ne RD
Shkrimi i Sollakut ne RD

Politika lejfenizuese (lavdi kohës!) mori fund. U rehabilituan edhe flokët, edhe xhepat pllakë, u rahabilituan antenat, u çʼilegalizua shikimi i RAI-t, u rehabilitua Amerika, Bashkimi Sovjetik, edhe Izraeli, armiqtë më të mëdhenj të popujve, sidomos të Shqipërisë. Dhe sipër ironi, ditën e 1 Majit, të cilën ishim mësuar ta festonim “me flamujt e ndritur të fitoreve”, u rehabilituan në masë rrock-menët e pop-menët dhe tërë “dreqërit” që dolën befasisht nga shishja.
Brezi i të rinjve, që jetoi terrorin psikologjik pas të ziut Plenium të Katërt, e sheh me dyshim e nostalgji njëherësh procesin e sotëm të ringjalljes.
Përshembull, atyre u kujtohen me dhimbje zërat e mrekullueshëm të Sherif Merdanit e Justina Alisë, të Françesk Radit e Novrus Yzeirit dhe sa e sa artistëve të tjerë. Justinën dhe Françeskun edhe po i shohim. Për Nevrus Yzeirin nuk e di se ku ndodhet, as se ku punon dhe në e ka ruajtuar zërin apo jo. Por Sherif Merdanin e kam rinjohur në një befasi prekëse.

Këngtari Sherif Merdani
Këngtari Sherif Merdani

Verës që shkoi, në bufenë e stacionit të trenit në Lushnje, turma ishte grumbulluar në derën e lokalit. Të tjerë, pa pyetur, u futën midis dasmorëve. Nga larg dukej se dikush kishte vënë në një magnetofon të madh një kasetë të një këngëtari të fuqishëm. U trondita kur mësova se s’qe magnetofoni, por këndonte vet Sherif Merdani, i ftuar në dasmë. Zëri i tij, jo vetëm ishte ruajtur, por qe bërë më i bukur e më i fuqishëm. Thuajse këngëtari i dashur s’kishte kaluar vite të tëra nëpër “rrethin e nëntë të ferrit” të Spaçit!
Me klimën e re prisnim ta shikonim përsëri në skenë e TV, por ende jo. Dha një koncert bamirësie në Berat. Por asnjë lajm zyrtar për të ardhurat që shkuan në favor të familjeve të grevistëve.
Duke ju thënë ju lumtë letrarëve, që ringjallën Budin e Bogdanin, Fishtën e Konicën, Mitrushin e Lasgushin, them që shembulli i tyre jo vetëm duhet lavdëruar . Ai duhet ndjekur. Apo shumë shkrimtarët e patën të lehtë të shkëputen nga monizmi, sepse një pjesë e tyre s’i besoi atij asnjëherë. Apo ndofta në radio e televizion ende tremben nga ndonjë plenium tjetër i 4-t ?…

Related Images:

Artikulli paraprakLulja ose Nata e Shënkollit Flutra Malo-Kuqani
Artikulli tjetërKudo që ka shqiptarë, ka edhe katedra të gjuhës shqipe, pos në Turqi… Prend Buzhala
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

1 Koment

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.