12.5 C
Tirana
E premte, 1 Mars, 2024

Mbeshtet RadiandRadi

spot_img

4 janar 1991 – 4 janar 2021 – 30 vite Partia Demokratike – Dega Lushnje!

on

|

views

and

comments

Protesta e Lushnjes - 4 janar 1991
Protesta e Lushnjes – 4 janar 1991

4 janar 1991 – 4 janar 2021,

30 vite Partia Demokratike – Dega Lushnje!

Mirënjohje themeluesve të Partisë Demokratike Dega Lushnje!
30 vite më parë, në datën 4 janar të vitit 1991, në ato ditë të ftohta dimri, intelektualët e qytetit të Lushnjes ndezën një flakë ëndrrash për të gjithë qytetarët që kërkonin liri.
4 janar të vitit 1991, në Lushnje u zhvillua mitingu i parë, pikënisja për themelimin e Partisë Demokratike në qytetin tonë.
Mirënjohje dhe Respekte të gjithë themeluesve të Partisë Demokratike Dega Lushnje, emrat e të cilëve i gjeni dhe në dokumentin më poshtë.
Mirënjohje të pakufishme të gjithë atyre që kanë sakrifikuar jetën për Partinë Demokratike dhe sot janë Dëshmor të Demokracisë,
Mirënjohje nga zemra atyre mijëra anëtarëve, militantëve, dashamirësve që nuk e kanë kursyer për asnjë moment mbështetjen ndaj Partisë Demokratike.
Mirënjohje qytetarëve lushnjarë për mbështetjen që i kanë dhënë Partisë. Demokratike në këto 30 vite.
Rrugëtimi i Partisë Demokratike duhet të jetë për vlerat e demokracisë në vend.
Më poshtë keni dokumentin e degës së brendshme Lushnje se si e ndiqte situatën e lëvizjes.

.

4 janar 1991 - D.P.B. Lushnje i shkruan Hekuran Isait
4 janar 1991 – D.P.B. Lushnje i shkruan Hekuran Isait

Lënda: Për disa shkelje të rregullave në mitingun e zhvilluar

nga Partia Demokratike dhe e pasuar me një incident.

Ministrit të Punëve të Brendshme
Shokut Hekuran Isai – Tiranë
Siç është njoftuar me 04.01.1991, në ora 13:30 filloi mitingu popullor, organizuar nga Partia demokratike në qytetin e Lushnjës. Paraprakisht përfaqësuesit e kësaj partie nga Tirana, dërguan kërkesën me numër protokolli 12, darë 03.01.1991, pranë sektorit të policisë të Degës së Punëve të Brendshme, Lushnje. Kërkesa me shkrim, e cila u dorëzua me datën 4 janar 1991, ora 7.00. Në kërkesë konformë ligjesh, ishin parashikuar parullat që do të hidheshin dhe aktiviteti do të zhvillohej.
Sqarojmë se nismëtarë të degës së Partisë Demokratike për Lushnjen, ishin ngarkuar Kujtim Gina – ekonomist në Divizionin Lushnja; Bujar Xhaferri – libretist i Teatrit të estradës; Shpendi Sollaku mësues në gjimnaz – (gruaja e tij është ndihmës prokurore); Gëzim Hajdari mësues në gjimnaz; Visar Zhiti, punëtor në Fabrikën e Tullave (ka qenë arsimtar dhe është dënuar me 10 vjet për agjitacion e propagandë armiqësore) si dhe studenti Arben Sula.
Në këtë miting morën pjesë përfaqësues të Partisë demokratike: Sali Berisha, Azem Hajdari, Arben Imami, Aleksandër Meksi… (teksti shkeputet dhe vazhdon në faqen 6)
.

4 janar 1991 - D.P.B. Lushnje i shkruan Hekuran Isait
4 janar 1991 – D.P.B. Lushnje i shkruan Hekuran Isait
….krijohen kushte, siç ndodhi ditën e mitingut, ku disa drejtues të fermave u kishin dhënë mjetet e transportit huliganëve, ish të internuarve për të ardhur në mitingun e partisë demokratike.
Sa më sipër, në zbatim të urdhrit Nr. 11, datë 30.12.1990, e shohim të nevojshme që të disiplinohet organikisht një kompani për ndërhyrjen e shpejtë ndaj veprimeve huliganizmiste. Kjo edhe për faktin se Divizioni i Lushnjës nuk disponon aktualisht e as në prespektivë forca për të përballuar veprimet e grupeve keqbërëse dhe armiqësore. Në vijim të kësaj kërkojmë të pajisemi dhe me disa mjete shërbimi si Radio Storno, armë speciale etje.
.
Kryetar i Degës së Punëve të Brendshme
Gjon Përmalaj (firmë)
.
Marre nga muri i FB i Erald Shulles, 4 janar 2021
.

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.