Tre poezi dhe autobiografia e poetit Ismet Tahiraj
Ismet Tahiraj – Autobiografia
Ismet Tahiraj u lind më 15 mars 1956 në Klinë të Epërme të Skënderajt. Shkollën fillore e kreu në vendlindje, të mesmen në Mitrovicë, ndërsa shkollën e lartë për gazetari, në Beograd.
Qysh si nxënës i shkollës së mesme është aktiv me shkrimet e tij kryesisht letrare. Kështu, emrin e tij e gjejmë prej kohësh në revista e gazeta për fëmijë e të rritur, ku ka botuar poezi e tregime, satira humoristike etj. Shumë krijime letrare i janë botuar në revista periodike, si: “Nacional Albania” -Tiranë, “Kosova e Kek-ut”, “Verbi”, “Kosova sot”, “Zog mëngjesi”, “Mollekuqja”, “Bota Sot”, “Fjalë e valë”, “Fatosi” – Tiranë etj.
Është bashkëpunëtor i ngushtë i emisionit humoristik në Radio Kosovë “Mahi pa kufi”, Radio Ilirida në Itali, Radio “Zëri i Arbrit” – Belgjikë, ”Pena shqiptare – Tiranë”, “Drita”, “Muzgu” – Tiranë, “Pelegrini” – Greqi, “Alpet shqiptare, Tiranë, “Jehona e Skraparit”, Tiranë, “Nositi”, Kamenicë, antologjia “Gjurmë në kohë”, Prizren, “Illz”, Tiranë, “Shpresat”, Preshevë, Suplementi Mapo letrare, Tiranë etj.
Është fitues i shumë shpërblimeve letrare në Maqedoni (vendi i II në revistën për fëmijë “Gëzimi”, 1986), në Mitrovicë në konkursin letrar komunal iu dha çmimi “Gota e argjendtë”; në Kastriot mori çmimin e parë për poezi (2010). Po ashtu është përfshirë në antologjinë poetike “Flakadani i Lirisë”, që i kushtohet Zahir Pajazitit, “Pena e Lirisë”, heroit Arif Shala, “Promenadë mërgimtaresh – Harilaq”, si shumë antologji tjera poetike anekënd trojeve shqiptare. Është përfshirë më poezi për të rritur në gjuhën italiane.
Prej vitesh është anëtar i rregullt i Karvanit Letrar për Fëmijë “Agim Deva”, Prishtinë
Është përfaqësuar në disa Antologji për fëmijë. Është anëtar i Shoqatës së Shkrimtarëve të Kosovës dhe Koordinator i Klubit letrar “Arif Shala” – Kanada, së bashku me Shqipe Hasanin e Xheladin Çitakun. Jeton në vendlindje
Vepra të Botuara
1-Në erë vendlindjeje, – 1995, poezi për fëmijë
2-Tundimi, – 2011, poezi për të rritur
3-Në dritë qiriri, – 2014 poezi për të rritur
4-Trëndafili yt, – 2015, poezi për të rritur
5-Kur bie shi, – 2016, poezi për të fëmijë
6-Uuue Kristali, – 2016, poezi për fëmijë
7-Sytë e buzëqeshjes, – 2017, poezi për të rritur
8-Shenjtëresha këmishëbardhë, – 2017, poezi për të rritur
9-Lapsi më tha, – 2018, poezi për fëmijë
10-Unë e ai tjetri, – poezi për fëmijë, 2020
11-Ninëza, – poezi për të rritur, 2020
12-Pëllumbi, – poezi për fëmijë, 2020.
13-Çezma e Nekut, – poezi për fëmijë, 2022
14-Klithje – poezi për të rritur, 2022
Vëllimi me poezi për fëmijë “Dita ime”, është vepra e pesëmbëdhjetë e tij.
Tre poezi nga Ismet Tahiraj
Në qytetin e mërrolet
edhe sonte
nuk do bie dëborë
as rrëshqitje s’do të kët
mbi livadhin e lumit
ku ndalën udhëtarët
dhe njomë fytin
më ndonjë dardhë
as natën dëbora
nuk bie
rrëshqet oxhaqeve
dhe llafoset mbesin
kumbona zë lart.
njerëzimi fshihen
pas perdesh
në qytetin e mrrolur
Lule e minj
shkoi shoku larg shkoi
as era as rruga, s’pengoj
gjeti diku një bujtinë
dhe disa batanije që
kurr një vend nuk rrinë
aty bëri më pronarin
disa biseda pahijeshi
dhe vend monedhave
pastroj krevate dhe
një bucelë se bashku
më një pllakatë
me lule e minjsh
As fjala as gërhama
Plepat rrinë gaditur
skaj një ofiçine
aty kishte vajra
më erë të pista
dhe hedhurina
që krekos
mbi kubëza latine.
pas pak iku, po iku
në plevicë, e shoqëroi
hundëpatellgjani
dhe plepave
as që ju dëgjua
as fjala
as gërma.