back to top
18.5 C
Tirana
E enjte, 28 Mars, 2024

Notre Drame de Tiran – Ekspozitë nga Avni Delvina

Gazeta

Notre Drame de Tiran - Ekspozitë nga Avni Delvina
Notre Drame de Tiran – Ekspozitë nga Avni Delvina
Artisti Avni Delvina ka meritë që e bëri pikturën të komunikueshme si poezia,
e ironizoi keqas të Keqen, ia vuri në duar pasqyrën së Shëmtuarës,
i dha guxim e krahë Qytetarit, i dha 4G Komunikimit virtual,
netët e punës së tij i ktheu në buzqeshje mëngjesi te shumë prej nesh,
Pushtetin e trajtoi si një Artist e trajton, iu kundërvu artistikisht plagëve të së tashmes
pa e lënë jashtë vëmendjes së shkuarën, po as edhe kohën si vazhdimësi…
Në fund të fundit si artist, ai shpesh i bën gjithë kohët bashkë,
dhe i vë në shërbim të fantazisë dhe artit të vet…
jozef radi, 30 tetor 2019

Avni Delvina, Adriana Kalaja, Ardian Devolli
Avni Delvina, Adriana Kalaja, Ardian Devolli

Notre Drame de Tiran –

Ekspozitë nga Avni Delvina

Të dashur miq!
Kam nderin dhe kënaqësinë t’ju lajmëroj se me datë 2 Nëntor në orën 17.30, hap Ekspozitën personale me titull: “Notre Drame De Tiran”.
Kjo ekspozitë ju dedikohet gjithë qytetarëve dhe artistëve në mbrojtje të Teatrit Kombëtar prej gati dy vitesh. Që në fillimet e kësaj proteste, e kam mbështetur me krijimtarinë time me më shumë se 80 grafika të publikuara në rrjetet sociale e më tej…
Me kërkesën dhe mbështetjen e tyre dhe të Aleancës për Mbrojtjen e Teatrit Kombëtar, me datë 2 Nëntor, do të prezantoj rreth 40 grafika në ambientet e Teatrit Kombetar.
Kam rreth dy muaj që punoj intensivisht për realizimin e kësaj ekspozite, duke krijuar një sërë punimesh të reja enkas për Teatrin Kombëtar, si dhe duke ripunuar e transformuar disa punime të publikuara më parë.
Falenderoj të gjithë miqtë dhe qëndrestarët e Teatrit Kombëtar që më nxitën në këtë aventurë artistike dhe shpirtërore.
Një falenderim për mikun tim të shtrenjtë Arjan Bejko, për gjetjen e titullit të ekspozitës “Notre Drame De Tiran”.
Organizatore e ekspozitës është mikja jonë Adriana Kalaja, kurse fjala e hapjes dhe prezantimi i është besuar publicistit dhe studiesit që unë e vlerësoj mjaft Jozef Radi.
Kjo ekspozitë mbështetet nga Aleanca për Mbrojtjen e Teatrit Kombëtar.
Të dashur miq!
Jeni të ftuar të merrni pjesë e unë do të ndjehem i nderuar me pjesëmarrjen tuaj.
Përqafime dhe mirënjohje për nxitjen e vazhdueshme që më keni dhënë ndër vite… Pa Ju, gjithçka do të ishte e pamundur ! Përqafime!
Avni Delvina
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.