15.5 C
Tirana
E premte, 1 Mars, 2024

Mbeshtet RadiandRadi

spot_img

Nëpër stacione të jetës së Poetit Havzi Nela

on

|

views

and

comments

Poeti Havzi Nela (1934-1988)
Poeti Havzi Nela (1934-1988)  

Nëpër stacione të jetës së Poetit Havzi Nela

(20 shkurt 1934 – 10 gusht 1988)

Havzi Nela u lind më 20 shkurt 1934.
-Kur qe vetëm nëntë vjeç i vdes i ati; dhe po në këtë moshë merr udhën e shtegtarit për arsye ekonomike dhe deri në vitin 1946 punoi si hyzmeqar nëpër disa shtëpi të Tiranës.
-Në revistën “Vatra Shqiptare”, më 1943 botohet shkrimi “Po besa, qejf boll kam” (nënshkruar prej N.K.), ku portretizohet Havzi Kollovozi (Nela), asokohe fëmijë nëntë vjeçar, ku “me të ardhur në Tiranë vendosi të bëjë dy punë bashkë, të punojë dhe të shkojë në shkollë”.
1946 deri më 6 tetor 1948: Ndjek shkollën në Kukës (nxënës konviktor me bursë shteti)
-Arratiset në Kosovë tek të afërm të vet, vazhdon shkollën dhe qëndron aty deri më 9 qershor të vitit 1949. Kthehet dhe punojë në bujqësi deri në vitin 1950.
-Shkon në shkollën pedagogjike Shkodër, por e ndërpret për arsye ekonomike.
-Punon arsimtar në Plan – Klos (Mat) deri në mars të vitit 1953; kërkon transferim, por e pushojnë nga puna.
-Kthehet në vendlindje dhe merret me bujqësi deri në nëntor 1953.
20 nëntor 1953 deri më 13 nëntor 1955: kryen shërbimin ushtarak.
Janar 1956: mësues në Lojme.
1957: në Shishtavec, përgjegjës i sallës së leximit.
-Fundi i vitit 1958: shkon në gjimnazin e rezervave të arsimit (Tiranë), ku diplomohet në arsimin e mesëm; kthehet dhe punon mësues në shkollën 7-vjeçare Shishtavec dhe njëkohësisht vazhdon shkollën e lartë me korespondencë.
1963: transferohet nga Shishtaveci në Surroj; refuzon, e dërgojnë mësues në Krumë ku punon vetëm pesë muaj.
1963: mbas kthimit nga Kruma, mësues në Topojan deri në paraditen e 26 prillit 1967.
22 prill 1967: në Shishtavec reagon ndaj kërkesave të regjimit për prishjen e kishave dhe xhamive, futjen në kooperativë bujqësore dhe ndërrimin e veshjes (“…Populli asht i sëmurë, tri gjylpana menjiherë nuk e shërojnë, por e shkatërrojnë. Mungon edhe fjala e lirë dhe shtypi i lirë për të drejtat dhe liritë themelore të njeriut…”).
26 prill 1967: arratiset.
6 maj 1967: pala jugosllave e dorëzon në postën kufitare (Morinë)
9 maj 1967: nis procesi hetimor.
22 maj 1967: dënohet me l5 vjet heqje lirie dhe konfiskim të pasurisë, ndërsa bashkëshortja e vet me 10 vjet heqje lirie.
8 gusht 1975: ridënohet me 8 vjet heqje lirie.
-Në harkun kohor: 1967-1986, kalon nëpër kampe e burgje të ndryshme (Elbasan, Vlorë, Spaç, Rrëshen, Burrel, Ballsh, Qafë-Bari).
shkurt 1983: i vëllai (Sh. Nela) nxjerr nga kampburgu i Qafë-Barit, 6 fletore me poezi të Havzi Nelës.

Botim poetik i Havzi Neles (pas vdekjes)
Botim poetik i Havzi Neles (pas vdekjes)

19 dhjetor 1986: lirohet nga burgu.
12 tetor 1987: internohet në katundin Arrën.
1 janar 1988: i vëllai (Sh. Nela) merr në Arrën një fletore me poezi nga Havzi Nela.
13 qershor 1988: largohet nga internimi.
15 qershor, ora 5.00 e mëngjesit – në Brekijë, konfliktohet me shpurën ndjekëse; e arrestojnë.
15 qershor, ora 9 e paradites: e dorëzojnë në Degën e Punëve të Brendshme të Kukësit; po në këtë ditë nis procesi hetimor.
21 qershor: mbyllet procesi hetimor.
22 qershor, ora 10.00 e paradites: formulohet vendimi për dënimin kapital në Gjykatën e Kukësit (dënim i paracaktuar).
24 qershor: zhvillohet gjyqi dhe në orën 16.00 shpallet vendimi, ku dënohet me dënim kapital “me vdekje, me litar”.
25 qershor: bën ankim pranë Kolegjit penal të Gjykatës së lartë ku kërkonte drejtësinë që i takonte.
16 korrik: Këshilli penal i Gjykatës së Lartë lë në fuqi vendimin e Gjykatës së rrethit Kukës.
Fillimgusht: Presidiumi i Kuvendit Popullor miraton vendimin për ekzekutimin e Havzi Nelës.
10 gusht, ora 03.30: Havzi Nela thotë fjalën e fundit.
10 gusht, ora 11 e paradites: trupi hiqet nga vendi i ekzekutimit dhe mbyllet në magazinën e policisë.
11 gusht, ora 01 mbasmesnate: trupi futet në tokë, në një gropë shtylle.

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.