11.5 C
Tirana
E premte, 1 Mars, 2024

Mbeshtet RadiandRadi

spot_img

Mirupafshim Heroi im! Murat Akil Basha

on

|

views

and

comments

Akil Murat Basha (1930-2013)
Akil Murat Basha (1930-2013)

Mirupafshim Heroi im! nga Murat Akil Basha

Ti ishte heroi im…

Kam njohur pak njerez të dashur si ti, që kishin guxuar gjithmonë të ëndërronin… Kam pasur fatin të kisha prind, mandej mesues dhe ma vonë at privilegjin e papërsëritshëm, të isha shoku Yt…
Ti linde në nji kohë që përplasi mbi ty dhe vllezërit e tu pothuaj gjithnji të papritura të hidhura… dhe ti qëndrove, pse s’mund të ktheheshe mbas… Mbete ashtu krenar dhe qëndrestar stoik, pse e kishe të pamundur të përkuleshe apo të braktisje idealet e tua… Koha me gjithë peshën e egërsisë dhe dhimbjes ra mbi shpatullat e tua, po nuk ta theu as shtatin as shpirtin, e nuk ta deformoi dot siluetën…
Ti e mbajte lart dhimbjen, shëmbëlltyrë e Tezeut, ashtu i papërkulur… dhe unë edhe pse u rrita dhe u bëra më i gjate se Ti, asnjiherë nuk munda ta mbrrija lartësinë tënde, atë peshë të dhimbjes dhe krenarisë që mbaje ti i mbajte me dinjitet gjithë jetës…
Ti Heroi im, ishe idealist, burrë i fjalës, i nderit dhe i besës, që pranove me kurajo dënimin e Sizifit pa u ankuar kurrë…

Sizifi i Mitologjisë
Sizifi i Mitologjisë

Eh sa shumë kemi folur (më ke folur) për Mbretin Zog, Nehrunë, Branko Merxhanin, Frojdin… etj. Sa kemi diskutuar për Hygonë dhe “Vitin 93”, apo novelen e tij Klod Ge… për Balzakun, Shekspirin e gjithë të mëdhenjtë që ti shpesh m’i citoje përmendesh… po Fishta ishte për ty gjithmone i pari.
Ti, heroi im pëlqeje Churcillin, respektoje De Golin, simpatizoje Niksonin, çmendeshe për Reganin, admiroje ”Grande Ledy, Thacer, por mbi të gjithë kishe Mbretin… Po Mbretin Zog. Dhe unë rrija e të dëgjoja dhe përpiqesha të hyja sadopak në atë përmasën tënde të pamatë… gjithmone me veshin ngjitur te e ”Dashura jote” Radio, cila të ka dhuruar kënaqësi të  jashtzakonshme të informimit në disa gjuhë, që i mësove gjatë dy burgosjeve të tua politike.
Kalvari yt, o Heroi im, nisi me 7 prill të 1939, kur u interrnove familjarisht nga fashizmi… po ky ishte veç fillimi. Komunistët mbasi të vranë babën Muratin, dhe të burgosën për së pari kur nuk ishe veç 15 vjeç, të riburgosën 19 vjeç… por nuk të mposhtën dot… Përkundrazi, ti ece krenar përpara, se ti s’mund të zvarriteshe… Ka njerëz që përngjajnë zvarranikët dhe krejt jeta e tyre është zvarritje, po ka dhe të tjerë që janë shqiponja dhe fluturojnë lart… shumë lart, dhe ti Heroi im, ishe shqiponjë!
Nji kohë terrori bënte para, po ti nuk u mpake, as u mplake, po veç u rrite në sytë e mi, o Heroi im. Modest deri në vetmohim, ti s’kërkove kurrë diçka për vete… ishe tepër krenar, tepër i madh, tepër fisnik, ndaj e kishe të pamundur, për t’u bërë i zakonshëm.
“Do takoj mamin tënd që e desha aq shumë dhe pastaj Mbretin dhe shokët e mi të vuajtjeve…!” i the motrës time… Mezi ke pritur te shkosh te Ata, por edhe shumë po e presin “Kilin”… po të presin ty Heroi im… Ma së fundi, edhe për Ty pak “lumturi” që e ëndërrove Këtu… e që do ta kesh Atje.
Do takohesh me babën tënd që e adhuroje aq shumë… Unë ta mbajta premtimin që të pata dhënë, Heroi im, do jeni bashkë sot… e përgjithmonë…
Ti ishe krenar për babën tand, po edhe ai po aq krenar ishtë për ty… Dhe unë ju shoh të dyve nga poshtë duke u lutur që të ma ndriçoni rrugën dhe shpirtin… dhe të përpiqem të të ngjaj sado pak Ty, heroi im.
është e vështirë, e pothuaj e pamundur, sepse heronjtë lindin, nuk sajohen… ti kishe lindur për të qenë Hero… dhe unë kam gjakun tënd ndër venat e mia, Heroi im… Ati im!
Ti më ike sot po ne do jemi bashkë çdo ditë, çdo orë, çdo minutë… deri në ditë të ritakimit, pastaj do jemi të tre… në at rrugën e gjatë të amshimit…
Sapo të bjerë nata e parë pa ty, do ta kërkoj e do ta gjej në qiell yllin me fytyrën tënde, Heroi im… dhe do të dërgoj puthje pafund për gjithçka më ke dhënë…
Mirupafshim Babë… Mirupafshim Heroi im!!
27 dhjetor 2013
(Marrë nga Muri i fb. i Murat Bashës)

Murat Akil Basha
Murat Akil Basha

Lajmërim: Ndrron jetë Akil Murat Basha

Të nderuar Miq
Ju njoftojmë se sot rreth orës 01:00 pas mesnate, në QSUT, ndërroi jetë Z. Akil Basha, i cili ditët e fundit të jetës i kaloi në gjendje kome. Varrimi bëhet sot në Shishtufinë, ora 14.00.
Rr.Qemal Stafa, P. 575/9, Sh.2, Apt. 24, Tiranë.
Mbas një jete mes vuajtesh të pafundme e të panumërta, i dënuar nga 2 regjime,  i burgosur politik 2 herë nën komunizëm, i rritur pothuaj jetim mbasi të atin Major Murat Bashën, e ekzekutuan  xhelatët e kuq që në ditet e para të ardhjes në pushtet në 1945.
U prehtë në paqe…
(Marrë nga Muri i fb. i Neritan Kolgjinit)

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

1 Koment

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.