Letër prej nji mikut tim, që vlen ta lexojnë edhe të tjerë…

0
10
Familja e Reshat Merdanit
Familja e Reshat Merdanit
Luan Merdani
Luan Merdani

Letër prej nji mikut tim, që vlen ta lexojnë edhe të tjerë…

I nderuar Jozef, uroj të jeni mirë.
Përfitoj nga rasti dhe dua ta ndaj me ty në këtë ditë:

1 Nëntor 1975 – 1 Nëntor 2013.

Eshtë diçka e hidhur! Ishte dita që shkatërroi shumë jetë njerzish, që vrau shumë ëndrra të rinjsh… Një ditë terrori për qytetin e Korçës po edhe për disa qytete të Shqipërisë. Me urdhër të Kuçedrës “Parti”, u interrnuan për 5 vjet (dhe më shumë) në fshatra të ndryshme dhe të humbura të Korçës e Shqipërisë, shumë familje të nderuara dhe të respektuara të këtij qytetit të njohur të kulturës dhe traditës, po edhe qyteteve më me emër të Shqipërisë. Në shenjë nderimi dhe mosharrimi ndaj kësaj dite terrori, unë po përmend veç disa prej këtyre familjeve, tashmë të njohura për qëndrimin që mbajtën dhe faktin se treguan edhe njëherë se e mira, e drejta, dhe e vërteta s’mund të vriten asnjëherë, përkundrazi ato jetojnë gjithmonë, kurse spiunët, kriminelët dhe veglat e verbëra të diktaturës do të urrehen përjetë… dhe emrat e tyre koha do t’i përpijë ashtu siç përpin dielli vesën e mëngjezit! Përmes kujtesësë sime do të përmend Familjen Kolaci, Familjen Merlika, Familjen Dvorani, Familjen Proko, Familjet Merdani, Familjen Goçllari,  dhe mjaft familje të tjera, që sot, mbas pothuaj 40 vitesh s’arrij t’i mbaj mend…

Familja e Reshat Merdanit
Familja e Reshat Merdanit

I nderuar mik, sot me 1 nëntor të 2013, le t’i lutemi së bashku Zotit për të gjithë ata që vdiqën nga hidhërimi nëpër skëterrat e internimeve dhe s’arritën ta shihnin atë ditë për të cilën ata ëndërruan dhe sakrifikuan për më shumë se 40 vjet… po edhe për gjithë ata që vuajtën padrejtësisht kët ndëshkim barbar dhe kolektiv të atij regjimi përbindësh…

Luan Merdani në interrnim në Shtyllë të Vithkuqit
Luan Merdani në interrnim në Shtyllë të Vithkuqit

I paharruar kujtimi i tyre!
Njëkohësisht le t’i lutemi Zotit që të ketë kujdes për pasardhësit e atyreve njerzve të dashur që nuk jetojnë më, le t’u  japë shëndet dhe le t’i drejtojë në udhën e ndritur… në mënyrë që ajo çka ndodhi në Shqipëri të mos përsëritet kurrë më.
Lavdi gjithë viktimave të terrorit Komunist.
Amin.
Me respekt Luan Merdani
1 nëntor 2013

Related Images:

Artikulli paraprakFamilja Kamsi, intelektualët e djeshëm e të sotëm të Shkodrës nga Anila Dushi
Artikulli tjetërPërballë nji fotoje… ku pavdeksohet çasti… Jozef Radi
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.