back to top
21.5 C
Tirana
E hënë, 20 Maj, 2024

Kunora e Bylbylave – poezi nga Dom Ndre Zadeja

Gazeta

Dom Ndre Zadeja (1891-1945)
Dom Ndre Zadeja (1891-1945) 

Kunora e Bylbylave – poezi nga Dom Ndre Zadeja

…e pak rreshta për Marsin…

Pranverën, Poezinë dhe Poetin Martir

Nesër asht mars...
pra e fusim majën e kambës në Pranverë,
dhe i kthehemi edhe nji herë riciklimit të katër stinëve,
tuj fillue prej ma së parës: Pranverës,
të cilën po ju a përcjell me nji perlë të lirikës shqiptare
nga martiri Dom Ndre Zadeja…
ndër ma të parët që do ta niste tragjedinë komunizmit
dhe të pushkatimeve pa gjyq…
Ndoshta s’asht fort mirë me hy në Pranverë me dhimbje, po mundem me thanë
se perla lirike e Zadejës asht plot dritë dhe plot dashni, plot pranverë…
Veçse mars e pranverë ishte edhe kur e vranë Dom Ndre Zadejën 54 vjeçar,
e pra, në kët mars të kësaj poezie aq te bukur, asht edhe Marsi i Trishtë
i 70 vjetori i vrasjes së këtij poeti aq të ambël…
Mirse vjen i dashtun mars…
edhe në nderim të këtij Martiri të Gjuhës Shqipe… dhe vargjeve të tij!
jozef radi, 28 shkurt 2015

Origjinali i poezisë së Dom Ndre Zadejës
Origjinali i poezisë së Dom Ndre Zadejës

Kunora e Bylbylave

poezi nga Dom Ndre Zadeja

Leht’ i prekë me fletë zbunimi
zemrën zemrave tuj qasë
ndin se rrahin prej mallnjimi
se janë fry e duen me plasë.

Këndon bylbyli, ban se s’ndjeva,
Shkundet puplash, ban se s’pa,
Po kur dorën mbrendë e ktheva,
Me ty bashkë bylbyl kam kja…

Zoga të bukra, delni, eni
Sot prej prindve do t’u dajë:
Gja s’po merrni gja s’po keni,
Bukurija e vetmja pajë!

Rrokni babë e puthni nanë,
Të dyvet lypni hallall,
Me sy matnje anë e m’anë
Shpinë që sot u qet me mall.

I përcjellë kafazi i vjetër:
Udhamarë bylbyka të mi!
Shkoni e gjeni ‘i kafaz tjetër
Shkoni e gjeni prind të ri…

Besabesë fort jam idhnue
E k’saj jete s’di çka me i thanë
Zemra zemrën me largue,
Syni synit lot me i dhanë!

D. Ndre Zadeja
Shkrel, Prendverë 1933
(Marrë nga muri i Fb. i Bep Cobës)

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.