12.5 C
Tirana
E premte, 1 Mars, 2024

Mbeshtet RadiandRadi

spot_img

Jubilare – poezi nga Jozef Radi – 60 vjetorit të lindjes së tim eti

on

|

views

and

comments

Lazer dhe Jozef Radi 17 Janar 1996
Lazer dhe Jozef Radi 17 Janar 1996
48 vite të shkuara (1975) kur ende s’i kisha mbushur të 19 vitet,
i kam kushtuar tim eti, në të gjashtëdhjetin vit të jetës,
këto vargje të kurajshme, kur ai do të delte në pension pleqërie.
Ishte e vetmja dhuratë që mund t’i bëja tim eti n’atë shkretëtirë emocionesh.
Ai u ndje mjaft i emocionuar kur ia lexova këto vargje dhe sytë i ndritën nga përlotja.
Sot nga largësia e një gjysëm shekulli, them se tim eti i kam dhuruar besim,
shumë besim… po edhe ai më paska dhuruar guxim, shumë guxim…
Këto vargje të rinisë së hershme, janë ende ndër fletoret e mia katërlekëshe,
si një dëshmi e e heshtur e përfjetur dhe pa shumë pretendime…
j. radi 
.
Lazer Radi dhe dorshkrimet e tij - Saver 1989
Lazer Radi dhe dorshkrimet e tij –
Kampi i Savres 1989

Jubilare – poezi nga Jozef Radi

-60 vjetorit të lindjes së tim eti

Dimni i pleqnisë gjurmë ka lanë
e flokët si borë t’u zbardhën
larg maleve, larg tokës nanë
gjymtyrët e trupi yt mardhën.

E tillë qe jeta për kët Njeri
her’ ledhatare si nan’e dashtun
her’ skëterrash zhytë n’vetmi
her’ ndëshkuese si njerk’e ntrashun

E ditët, e muejt, e vjetet kalonin
si pika shiu n’tokën etshëm për uj’
dit’ gjithnji e ma t’zymta e përqafonin
n’at vetmi ndrydhun, pa zhurm’e bujë

E e harrue mes netësh t’acarta
pak ditë, pak dritë pak diell zbulove
edhe n’ato pak andrra të arta
ndër netë përbindshash i lshove…

Gjashtëdhjet’ diej të kuq ta ndritën
at ballë të gjan’ rrudhosë mendimi
gjashtëdhjet vjeshta mbi ty u zbritën
e t’përplasën ndër dallgë mundimi

Gjashtëdhjet ditë të arta u ngjitën
mbi ata sy me vet’tima shikimi
gjashtëdhjetë netë t’errta venitën
e shtrydhën t’fundmen bulz gëzimi

Tash rrëshqasin si ngjalat n’llucë
vitet e mrrolta të pleqënisë
balta – (si mish i huej n’trup e këpuc)
ia mpak ndjenjat ma t’bukra të dashnisë

Vazhdo me hecë përpara, o Ati im
çaje t’fundmen balt’ e mbrrij te e mira ditë
mjaft gjashtë dekada, dimnash mbi shpin
po shpejto hapat, e sytë laj me dritë!
.

dhjetor 1975

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

1 Koment

  1. (*Kjo poezi modeste, po e kushtueme me shpirt tim eti, kur ai po mbushte 60 vitet dhe moshën me dalë në pension që ishte edhe nji çlirim për të mbasi puna në bujqësi për moshën e tij ishte tejet e randë, mbasi e konsideroja edhe si nji mundësi që ma s’fundi ai mund të merresh pak me vedin edhe punët e veta! Asokohe kur i shkrova këto vargje isha maturant 18 vjeçar, e kisha do kohë merresha me poezinë! Kur e lexoj sot mbas 48 vitesh kam atë ndjesinë fatlume të kujtoj sa mirë u ndje im atë kur ja lexova, bile shprehu nji ndjenjë habie, pse poezia ishte e gjatë dhe me nji alegori të guximshme për kohën… poezia është pjesë e nji dorëshkrimi të vjetër me 60 poezi që s’u botuen kurrë…)

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.