Debati mbi pagat e gjyqtarëve e prokurorëve
nga Ruel Domi
Më poshtë gjenden pagat bruto të gjyqtarëve e prokurorëve tanë në vitin 2016, para dhe pas rritjes. Për Shqipërinë e vitit 2016 me pagë mesatare 45.000 lekë bruto, kusarët e gjyqësorit, që në 35 vite tranzicion janë njohur për korrupsion galopant, kishin paga stratosferike.
Sot ndërkohë, i kanë pagat edhe më stratosferike, duke pasur parasysh rritjen e fuqisë blerëse të lekut, forcimin e lekut në raport me monedhat e huaja etj. Dhe prap, nuk mjaftohen.
Pa folur për pagat stratosferike të prokurorëve të SPAK-ut, më të larta jo vetëm se çdo rrogëtar apo udhëheqës shqiptar, por që tejkalojnë edhe pagat e agjentëve të FBI-së (SPAK në SHBA) apo gjyqtarëve e prokurorëve amerikanë.
Këta janë të vetmit që kanë luksin të operojnë me parimin “nëse s’më paguan sa dua unë, atëherë kam të drejtën të marr rryshfete lart e poshtë”. Pa grahmën më të vogël të moralit që duhet të ketë një shërbyes publik.
Këtyre gjakpirësve jo vetëm që nuk duhet t’u rritet paga, por mos them që edhe iu duhet ulur në mënyrë që ajo rritje t’u rishpërndahet mësuesve e mjekëve që paguhen për ibret në sektorin publik.
Marrë nga Muri i FB, Ruel Domi, 15 shtator 2026