Çfarë është 8 Dhjetori?
nga Leonard Pipa
Sot thonë është festa e rinisë, se studentët sollën demokracinë dhe përmbysën sistemin…
Unë jam një nga ata mijëra studentë të dhjetorit 1990.
E pashë me sytë e mi çfarë ndodhi ato momente dhe sinqerisht ju them e kuptova se çfarë na priste!
Këtë e kam paralajmëruar edhe në gazetën e studentëve në atë kohë!
Studentët u përdorën për të ndryshuar sistemin komunist të vjetër të etërve për ti zëvendësuar me “demokracinë” e bijëve të tyre!!!
Ata që më kritikuan në atë kohë Mark Markët e Eduard Zaloshnjët me kompani sot janë bërë qesharakë e lodra në duart e pushtetit…
8 dhjetori nuk është festa e asnjë të riu shqiptar!
Kjo datë është dita që mori peng shqiptarët duke i hequr zvarrë po aq vjet sa sistemi i vjetër dhe nuk dihet sa do zgjasë.
Nuk ka asnjë shqiptar sot që nuk e di se çfarë ka ndodhur këto 35 vite!
U shkatëruan të gjitha për t’i vjedhur e ndarë mes vedi bijtë e etërve!
Heronj të rremë, në thelb banditë e kontrabandistë na paraqiten sot si madhështorë e meteorë nga palët përfituese!
Krijimi i kastave ekonomike e propaganduar nga Fatos Nano pasuroi hajdutërinë politike dhe hajdutëria nga ves e krim u bë fe e moral këtu në trojet e të pafatëve!
Por gjithsesi një gjë të mirë e ka 8 dhjetori: Na kujton çfarë vërtet kemi humbur në pushtetin e komunistëve antikomunistë! Na kujton sa qesharakë jemi ne e heronjtë tanë batakçinj!
Ikëm nga sistemi i dhunës e izolimit dhe erdhëm në sistemin e antishqiptarëve!
E hajdutëve e banditëve politikë që na zbuan, na shkatëruan ushtrinë, arsimin, shëndetësinë, drejtësinë e bujqësinë!
I vunë kazmën vendit dhe gjithçka e privatizuan në emër të tyre ose të afërmëve e miqve të tyre!
Hajdutërinë e bënë moral, shkombëtarizimin e atdheut e teritorin e tij pazar me fqinjët!
Shqiptarët sot e kuptojnë që nuk kanë rrugë tjetër veç të nisen drejt një 8 dhjetori tjetër të vërtetë!
Të tyre!
Partitë që dolën nga dera e Ramiz Alisë sot duket sheshit që janë bashkë por në fakt bashkë kanë qenë gjithmonë për të na marrë peng!
Pushteti ankohet se nuk e lë SPAK-u të qeverisë me hajdutë ndërsa opozita mban peng ndryshimin e mallkon SPAK-un se e ka marrë të pandehur!
Turpi na takon ne jo atyre!
Ata gjejnë e bëjnë!
Shpesh herë më shkon në mendje dhe vë në dyshim se në të vërtetë a ka ngelur ndonjë burrë i ndershëm e trim këtu në këto troje!
O shqiptarë!
Nëse nuk ngrihemi t’i dalim zot fateve tona e sidomos fatit të Kombit tonë historia do na qeshë e përbuzë me të drejtë si ca kavie eksperimentale që politika na talli e na përdori për të privatizuar pasuritë tona në emër të saj! Si ca mjeranë të pavlerë që i mban peng copa e bukës e ajo është e vetmja botë reale e tyre!
Poshtë tradhëtarët…!