Botohet libri, “Ndjesia e Aromave” i Arjola Kondakçiut

0
11
Arjola Kondakçiu -
Arjola Kondakçiu - "Aroma e Ndjesive"

 

Arjola Kondakçiu - "Aroma e Ndjesive"
Arjola Kondakçiu – “Ndjesia e Aromave”

Botohet libri, “Ndjesia e Aromave”

i Arjola Kondakçiut

Të dashur miq!
Mbas një shkëputje të gjatë 12-vjeçare në botime, i rikthehem lexuesit me një pjekuri letrare të përfshirë në librin e tretë, “Ndjesia e Aromave” që sapo doli nga shtëpia botuese “Jozef” në Durrës.
Ky libër erdhi si një aromë ripërtëritëse pas humbjes së pjesshme të kujtesës që m’u shkaktua si pasojë e një aksidenti, dhe ndërthurja e ndjesive letraro-artistike me copëzat e kujtimeve nga fëmijëria, shërbeu si terapi e fuqishme për stabilizimin e kujtesës.
Ja pse ia kam dedikuar djalit tim M.
“Si përkujtues të kujtimeve të veçanta, që u japin ngjyrim edhe momenteve më të vështira ndër vite, dhe me grimcat e tyre bëhen burim frymëzimi për njohjen e vetvetes në kuptueshmërinë e së ardhmes, duke i dhënë një tjetër vlerë jetës sonë…”

Arjola Kondakçiu - Shqipëria Live për "Aromën e Ndjesive"
Arjola Kondakçiu – Shqipëria Live për “Ndjesia e Aromave”

Në këtë libër janë përfshirë recensione letrare dhe publicistikë artistike, shkruar brenda 2 vitesh, ja pse në këtë përmbledhje të shkurtër dua të shfaq mirënjohje për gjithë ata miq (të njohur dhe virtualë), që si pakuptuar më kanë dhënë inkurajim shpirtëror e frymëzim nëpërmjet krijimeve të tyre.
…Falënderoj këshilluesin tim të parë letrar shkrimtarin Nuri Plaku, të cilin e përzgjodha me shumë respekt si recensuesin e këtij libri, sepse ka besuar gjithmonë tek fuqia e penës sime në të shkruar; Mariglen Sinani për bashkëpunimin në realizimin e kopertinës, skicave në vizatime si dhe përfshirjen e disa prej pikturave të tij shoqëruese brenda librit; të talentuarin Aurel Jazxhi për fotot artistike vendosur në kopertinë; botuesin Aurel Kaculini për mbështetjen dhe gatishmërinë.
Shkrimtarët: Shpend Sollaku Noé, Dorian Hatibi, Alba Dajlanaj, Doranin Agalliu Ekkm, Aurel Llazi Bardho, Dan Ibrahimi, Flora Idriz Peci, Ermal Lâlà, Adelina Pali, Rei F. Hodo, Teuta Dhima, Fadil Ismajli, Hazir Luta, Bujar Mucaj, Lazer e Jozef Radi, Jani Koçillari, Mirela Duka-Xoxi, Abedin Çetaku, Idriz Balani e Marinela Sela Honeste Videre, për frymëzimin që mora në refleksionet letrare të ndërtuara nga leximi në librat e tyre.

Arjola Kondakçiu  - Duke soditur Pranverën
Arjola Kondakçiu – Duke soditur Pranverën

Gjithashtu, artistët Markel D Capo, Zymer Mulliqi, Jonida Çuko e Xhensilda Ndreka, Fabjola Satka Art Ror e Aseli Kryemadhi, Antigoni Suli Gjergji, Edmond Brozi, Ledian Gjeci, Elvin Shytaj, Lorenc Ramaj, Frosina B. dhe Liza Brozi për pjesën publicistike të shkrimeve bazuar në artin e tyre.
Por me shpirt falënderoj edhe ata persona që kontribuan financiarisht për një pjesë të shpenzimeve për botim, duke i vlerësuar për këtë xhest human ndaj artit të së shkruarit; si dhe ata që me veprimet e tyre kanë dashur “tinëzisht” të më rrëzojnë nga ana letrare, ku jam shkurajuar por jo dorëzuar, pasi forca e brendshme e mirësisë që më karakterizon më ka ndihmuar që të ringrihem më e fuqishme në të gjitha format.
Vetë libri im “Ndjesia e Aromave” është një dëshmi e dashurisë për letërsinë, natyrën e njeriun.
Përulësisht falënderime!
Arjola Kondakçiu

Për ata që dëshirojnë ta bëjnë pjesë të bibliotekës së tyre, i kam vendosur një çmim jofitimprurës/ Libri kushton 8 mijë lekë (të vjetra) ose 7 euro/
Mund të kontaktoni me mua për porosinë, dhe më vonë do t’ju informoj për shpërndarjen në disa librari.

Related Images:

Artikulli paraprakCikël Poetik nga Artan Gjyzel Hasani – nga vëllimi poetik – “Idioticus”, 2022
Artikulli tjetërNxitoj ta jetoj jetën time… – nga Adriano Celentano
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.