back to top
29.5 C
Tirana
E mërkurë, 24 Korrik, 2024

Bora e bjeshkëve… nga Bukra Hysenukaj Kastrati

Gazeta

Bukuria e Bores...
Bukuria e Bores…

Bora e bjeshkëve…

nga Bukra Hysenukaj Kastrati

Veç kush asht rrit n’zona malore, e njeh knaqsinë e pakrahasueshme që t’jep bora kur mlo gjithçka. Për t’rritunit që kanë përgjegjësi, asht lodhje e stërmundim, po për fmijt, nuk ka gzim ma t’madh.
Bora asht e bukur, e pastër, e shndetshme. Bora t’përtri. Ndryshe prej tana fenomeneve t’natyrs, bora t’pushton paqt. Ti çohesh n’nadje e sheh veten t’bllokuem për tana anët prej bore, e prap nuk mundesh me e sha a mallkue, veç me e kundrue e me veprue n’varësi t’rolit tand. Bora asht si ato gratë e bukura, me t’cilat dashurohesh deri n’pa arsye, e nuk mundesh mos me e dashtë, çka do t’bajnë n’ty.
Dimnat e fminisë teme, janë kanë tan t’bardhë. Kur bajke ftoftë shumë, bora u ngrijke, aq sa ne fmijt na majke n’sipërfaqe. N’ditë si kto, isha shumë e vyeme për Babën, se vetëm unë, (se vllaznit ishin t’mdhej e motrat e vogla) mundesha me qëndrue mbi borë pa u zhyt e me i shkund degt e pemve prej peshës s’akullit. Me nji shkop t’holl e t’gat, (bojsti i kem pa than), shetitsha ekskluzivisht baçen e babs, tuj ba punën ma t’dobishme n’ato rrethana. Mandej lojnat n’borë; …nuk ka Disneyland që ta jep at knaqsi e adrenalinë. Skitë, rr’shkitja prej naltësive me gjithfarë mjeti t’improvizuem, sa veç Zoti na rujke, krijimi i burrit apo i shpisë prej bore, ishin disa prej lojnave dimnore.
E vetmja “lojë” dimni që s’e kam dasht kurrë, asht kanë nxanja e zogjve t’malit me kurthe (klluca). Kush thotë se bora t’ftof, gabohet rand. Bora asht bekim, e kjo po kuptohet prej pasojave t’dimnave t’butë vitet e fundit.
“Mos ju gzoni dimnit butë, se e lani me verë t’fortë!” – ka pas thanë Baba.

Bora ne male
Bora ne male

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.