Aktorja Ema Andrea dedikim kryeministrit Rama…

0
11
Aktorja Emma Andrea
Aktorja Emma Andrea
Aktorja Emma Andrea
Aktorja Emma Andrea

Aktorja Ema Andrea dedikim kryeministrit Rama…

Aktorja e mirënjohur Ema Andrea i ka kushtuar një status në facebook Kryeministrit Edi Rama, në lidhje me ftesën që ky i fundit ka bërë për të gjithë artistët shqiptarë që jetojnë jashtë vendit.
Në këtë status aktorja i është referuar “Natës së Bardhë”, duke e cilësuar kryeministrin Rama si “prepotent provincial, i cili ka ftuar artistët e huaj dhe harron brenda vendit…” Madje ajo i kujton se kushtet në të cilat punojnë artistët në vend janë të vështira dhe nuk shpërblehen mjaftueshëm. Ja se çfarë shkruan Ema në statusin e saj kundrejt Kryeministrit: “Në natën e bardhë, Ministria e Kulturës më lajmëron se Portat e të Madhnishmes Kryeministri do të jenë të hapura në orën 9 për artistët, jo për ndonjë takim, por për të parë mobiljet dhe korridoret!! Më erdhi të qesh në fillim me këtë prepotencë prej provinciali që të fton të shohësh kolltuqet e reja. Pastaj më erdhi keq për veten, për kolegët, për sakrificat! Më vonë mora vesh se rreth së njëjtës orë Kryeministri pinte një gotë verë me artistët që jetojnë jashtë… Bukur… Shumë bukur Zoti i Shtëpisë!!
Ata munden me të nderu me ardhjen e tyre, jo vetëm se kanë ecur me talentin dhe punën e tyre, por edhe sepse kanë para për të blerë një biletë avioni! Unë, i dashur zoti i Shtëpisë, nuk kam mundësi të blej biletën e avionit, përsa arritjet e mia nuk shpërblehen financiarisht (dhe këtë ju e dini shumë mirë) e kështu s’mundem me qenë në tryeza mikpritjesh, por ftohem për me pa karrike dhe mure bosh! Kam punuar në këtë vend, pa drita, pa ujë, e zhgënjyer dhe e gënjyer nga të gjitha politikat kulturore shqiptare, e kam nderuar këtë vend kudo ku kam shkelur në skena e auditore ballkanike dhe evropiane… dhe jam kthyer sërish këtu… në tokën time të cilën e jetoj edhe në të keqen e vet!… Kështu kam zgjedhur… por kjo s’më bën më pak të talentuar e aq më pak nuk më vë në rreshtin e lypsarëve që i ftoni të habiten me muret dhe me kolltukët tuaj!!
Të bardhë e paç mendjen siç ke mosmirënjohjen dhe fyerjen, i dashur Zoti i shtëpisë që… ani… unë t’kam zgjedhë… e tash m’duhet me të durue!!! edhe Ty…!!!”
…shkruan Ema Andrea në profilin e saj në Facebook.
(shekulli) 4 dhjetor 2013

Ema Andrea u lind më 18 gusht 1971. Aktore në teatër dhe filma si dhe pedagoge në Akademinë e Arteve.

 

 

Related Images:

Artikulli paraprakShënime mbi Poetin pa varr – Trifon Xhagjika…
Artikulli tjetërKënga e verbër (1962) poezi nga Trifon Xhagjika
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.