Shënime mbi Poetin pa varr – Trifon Xhagjika…

0
12
Trifon Xhagjika (1932-1963)
Trifon Xhagjika (1932-1963)
Jozef Radi 2000
Jozef Radi 2000

Shënime mbi Poetin pa varr Trifon Xhagjika…

Trifon Xhagjika – Poeti i Kurajos së Epërme!

nga Jozef Radi

“Po të më jepni një top, do të qëlloja mbi regjimin tuaj!”

Dhjetori i këtij viti sjell dhimbshëm nji ngjarje të rëndësishme e cila si duket do të përcillet në harresë ashtu si plot herëv të tjera: Pesëdhjetë vjetori i vrasjes së Poetit Trifon Xhagjika… Nji pesëdhjetë vjetor i ftohtë, drithërues, ku figura e poetit Xhagjika, e pushkatuar pa mbushur të 31 vitet, nga lartësitë e lavdisë ku ai qëndron… lëshon mbi ne nji shi të akullt dhe një mjegull të trishtë… si një ankim qiellor, për atë krim që ende dëshmon të keqen që e ka sunduar krejt nji popull për më shumë se gjysëm shekulli… Ky ankim qiellor i Poetit martir Trifon Xhagjika duhet të na bëjë të gjithëve të ndjehemi keq, të ndjehemi të fyer, dhe të vrarë në shpirt për atë që i ka ndodhur Xhagjikës dhe Xhagjikëve… Të mos e harrojmë se Diktatura shqiptare ka pasur nji raport tejet të përbindshëm me poetët… Trifon Xhagjika është vetëm njëri prej tyre… e atij konstelacioni që nis me Lazër Shantojën, Qemal Draçinin, Trifon Xhagjikën, Vilson Blloshmin, Genc Lekën, Bilal Xhaferrin, Havzi Nelën… ç’ka bëhet më e trishtë në kët 50 vjetor të vrasjes së poetit, është fakti se ai, sot e kësaj dite është i pavarr… i janë vjedhur krejt vargjet e tij dhe askush nuk përgjigjet…
www.radiandradi.com përgjatë gjithë këtij muaji do t’i bëj homazh Poetit Trifon Xhagjika… Poetit pa varr dhe pa nji monument… dhe do të falenderoje cilindo që kontribuon me shkrime dhe me informacione… per gjetjen e varrit të këtij martiri të fjalës shqipe dhe mendimit të lirë…

Studiuesi Anton Cefa
Studiuesi Anton Cefa

Pikë referimi e fisnikërisë së letërsisë…

nga Anton Çefa

…E rëndë dhe e përgjakshme u ngrit dora e diktaturës mbi ato figura që nuk u pajtuan me realizmin socialist dhe gjendjen e krijuar.
Në vitin 1963, u pushkatua poeti disident Trifon Xhagjika, i cili recitoi burrërisht para trupit gjykues poezinë e tij “Atdheu është lakuriq”.
Mbas rënies së diktaturës, nga dorëshkrimet e tij, u botuan një tubë poezish, nën titullin “Atdheu është lakuriq”.
Xhagjika me jetën dhe veprimtarinë e tij letrare, fund e krye disidente, mbetet një pikë referimi e fisnikërisë së letërsisë sonë, një yll i shkëlqyer i mosnënshtrimit, i mospranimit të gënjeshtrës dhe dhunës.

Poeti Agim Doçi
Poeti Agim Doçi

Plumbi i zi vrau Xhagjikën… po jo vargjet dhe këngët e tij…”

nga Agim Doçi

“Vetëm i marri mund të vrasë poetin, engjëllin e fjalës së lirë. Një i tillë qëlloi me breshëri në gjoksin e këngëtorit, Trifon Xhagjika. Po nuk ishte vetëm një. Ishte një sistem i tërë që i përgjigjej me plumb fjalës së lirë…
…Ai është i vetmi poet i pushkatuar në gjithë Europën e pas Luftës së Dytë Botërore. Një poet pa varr! Ashtu si në rastin e Budës, Fishtës, Gjeçovit. Urrejtja ndaj tyre arrinte deri këtu. Ka ndodhur në historinë e diktaturave shqiptare, si rrallëkund të martirizohet poeti, njeriu i shpirtit dhe i këngës… Vetëm regjimet barbare prodhojnë të marrë, që vënë në shenjë poetin, njeriun e fjalës së lirë. Po nuk mund të vrasin dot shpirtin e këngës që ai përfaqësojnë.
Plumbi i zi vrau Xhagjikën, poetin e famshëm, po kurrë nuk mundi të vriste vargjet dhe këngët e tij…”

Related Images:

Artikulli paraprakPoeti i pushkatuar Trifon Xhagjika n’rrëfimin e së motrës
Artikulli tjetërAktorja Ema Andrea dedikim kryeministrit Rama…
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.