back to top
16.5 C
Tirana
E enjte, 28 Mars, 2024

Mbrojtësve mjeranë të Kadaresë… – nga Adriatik Riza Dosti

Gazeta

Ismail Kadare - (foto Ben Blushi)
Ismail Kadare – (foto Ben Blushi)

Mbrojtësve mjeranë të Kadaresë…

nga Adriatik Riza Dosti

Mjaft më… se u bëtë vërtet të neveritshëm!
Këto ditë dhe veçmas në përvjetorin e tij të lindjes “’çuditshëm” por sipas meje aspak rastësisht, seç shpërtheu një herezi, histeri e histori e tipit të Avokatisë mbrojtëse ndaj shërbëtorit shkrimtar e kanakarit të diktatorit & diktaturës: Kadaresë!
…Për ta uruar në ditëlindjen e tij apo edhe për të folur për veprat e krijimtarinë e tij të gjatë letrare natyrisht që ka të drejtë gjithkush… sikurse po kaq të drejtë kemi edhe ne që bëjmë të kundërtën… as e urojmë e as merremi më me “letrat” e tija…
Por t’i dalësh kësisoj në mbrojtje njerës prej të këqijave të mëdha e tashmë historike të Shqipërisë sikurse në pjesën dërrmuese të saj prej dekadash është edhe krijimtaria e Kadaresë kjo është sa e pafalëshme po aq edhe e rrezikëshme dhe totalisht e papranueshme për shumicën e shqiptarëve që i kanë ende mendë në kokë… dhe që e jetuan dhe po e jetojnë kohën e krijimtarisë së Ismailit .
Ne shkrimin tim të paradokohshem “25 arsyet madhore pse Kadareja kurrë s’do e marrë dot çmimin Nobel” me dokumenta, fakte, llogjikë të ftohtë e argumenta bindës dhe pa kurrfarë mllefi e urrejtje apo edhe arësye meskine personale… mendoj se i kam vënë vulën tele-historisë së Nobel-pritësit… ndaj dhe nuk e shoh më kurresesi të arsyeshme të merrem ende me mikun e ngushtë të Diktatorin dhe kafe-pirësin e shokun e sotëm besnik të Elisa Spiropalit…!
S’kanë fare rëndësi për mua se cilët janë emrat e mjeranëve dhe qyqarëve që më një lloj guximi të çmendur kanë marrë përsipër të kryejnë kaq pisët avokatinë mbrojtëse të oborr-shkrimtarit Kadare… por i pisët, i frikshëm dhe i rrezikshëm për Shqipërinë e shqiptarët është mentaliteti i tyre sipas meje makabër e bastard!
Them kështu pasi avokat mbrojtësit në fjalë vazhdojnë që me një lloj këmbëngulje mushke të merren ende me: “e tha apo se tha Kadareje fjalinë e etiketimin… “Jashtëqitje e Kombit” për të ikurit me Ambasadat në 2 korrikun e largët të 30 e kusur viteve më parë?!?”
Dhe tinëzisht e poshtërsisht harrojnë “kryeveprën” e tij ndaj Diktatorit: “Dimrin e Vetmisë së Madhe” apo poemat agresive në mbrojtje të Diktaturës: “Shqiponjat fluturojnë lart”, Stalinit, Qeni i Kufirit, Armiku i Klasës... apo poshtërimin që i bëri krenarisë sonë kombëtare, Fishtës; burgosjen e shkatërrimin familjar që i bëri një familje të thjeshtë shqiptare… të qenit Deputet i Kuvendit të Diktatorit & Diktatures… Jeta e tij në shalët e Nexhmije Hoxhës si Nënkryetar i Frontit ”demokratik” të Shqipërisë… “desidenca” e tij dhe arratisja nga Shqipëria totalisht për bythën e vet dhe kurresesi Jo në mbrojtje të vendit a popullit të tij… heshtja e poshtër dhe e qëllimshme e tij ndaj të gjitha problemeve madhore që po kalon Atdheu i vet… bërja palë gjithnjë me “të fortin” e radhës e me të pushtetshmin etj etj…!!
Ndaj pa e zgjatur më e për të mos ju a lodhur ende kokën me mikun e Enver Hoxhës së djeshëm e shokun e Spiropalit të sotëm nuk e di por teksa po lexoja Avokatitë mbrojtëse të Kadaresë nga mjerano-qyqarët në fjale s’di pse m’u kujtua një film i kahershëm i ish Kinostudios së djeshme shqiptare: “I teti ne Bronx”
Dhe s’di pse këta avokatët mbrojtës të sotëm të tij me kujtuan ata partizano-fshatarët e asaj kohe e të atij filmi… që përmes plumbave të armikut e hipën bustin e Komisar Memos [alias Ibrahim Kovaçit] në një tezgë dhe ishin të vendosur që o ta vinin në mes e në qëndër të fshatit o të vdisnin[!!!]…
S’di pse me kujtuan edhe ata Vullnetarët e Enverit me Ridvan Boden në krye [që çmendurisht pseudo-demokracia jonë e leshit e bëri edhe zv . kryeministër të kohës së PD] që kërcënonin me bustet e Enverit në krah se do të marshonin drejt Tiranës e të vinin në vend “nderin” e nëpërkëmbur të Shqipërisë e të shqiptarëve…(???)
S’di pse më kujtojnë frikshëm edhe ata ushtarakët e çmendur e histerikë që u mblodhën 30 e kusur vjet më parë po në muajin Shkurt… ja si sot… në oborrin e shkollës së Bashkuar e vringëllinin armët teksa kërcënonin se o do ta rivendosnin Bustin [tashmë të rrëzuar e të përdhosur] e Komandantit të tyre aty ku kish qenë deri me dje… pra tek Sheshi Skënderbej… o Shqipëria do të kallej në flakë e në luftë! [!!!]
Ja pra, saktësisht këto m’u kujtuan sot herët në mëngjes teksa po shihja e po lexoja ende disa prej Avokative mbrojtëse për Kadarenë… prej mjerano-qyqarëve dhe tru-shpëlarëve të sotëm të tij…
Fatkeqësi o motra e vëllezër… por s’kemi ç’bëjmë, mendjen tonë s’ua japim dot… dhe tonën s’e zbrasim dot për të mbushur të tyren…
Kanë një thënie Perlë tironcit e moçëm për raste të tilla: “Zot m’i merr të gjitha kur të më vijë koha… por aman e të lutem… mendjen ma merr të fundit!” No comment!

Marrë nga muri i FB i Adriatik R.D. 1 shkurt 2023

Foto Çami - Jep Shifër Sekrete për Ismail Kadarenë
Foto Çami – Jep Shifër Sekrete për Ismail Kadarenë

Foto Çami – Jep Shifër Sekrete për Ismail Kadarenë

Shifrim – Tepër Sekret
Nr. 006826
Nr. 22 – Data 27.10.1990
Adresa: Komiteteve të Partisë së Rretheve dhe Ushtrisë
Dënimi i Aktit të turpshëm e të shëmtuar të I. Kadaresë nuk duhet shtrirë edhe në veprën e tij. Prandaj librat dhe shkrimet (e shlyer) e tij në libraritë, bibliotekat e gjithë të mos preken, të mos ndalohen. Përsa i përket trajtimit të këtij problemi në shkolla do t’u vinë udhëzime nga Ministria e Arsimit!
Foto Çami (pa firme)

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.