back to top
32.5 C
Tirana
E diel, 21 Korrik, 2024

Zotërinj… edhe përballë vdekjes – Letra testament e Sadush Kuqari para pushkatimit

Gazeta

Sadush Kuqari (Metaj)
Sadush Kuqari (Metaj)

Zotërinj… edhe përballë vdekjes

Letra testament e Sadush Kuqari para pushkatimit

Në gushtin e vitit 1945 pushteti diktatorial i EH,
çoi para skuadrës së pushkatimit një grup intelektualësh nga qarku i Fierit.
Mes tyre ishte dhe gjyshi im, Sadush Kuqari (Metaj).
Letra e testamentit që i la gruas së tij, gjyshes time Deko,
dëshmon dhe njëherë që kriminelët e pasluftës vranë
dhe persekutuan qytetarinë dhe vlerat e kombit.
Për të instaluar diktaturën e proletariatit, injorancën,
krimin dhe pabesinë ndaj njerëzve dhe zotit!
Desada Metaj
 .
Letra e Sadush Kuqarit para pushkatimit
Letra e Sadush Kuqarit para pushkatimit

E dashur gruaja ime Deko!

Me datë 5 gusht 1945, u dënova me vdekje nga gjyqi i popullit.
Të lë amanet që të mos qash as ti, as çiliminjtë mos i leç të qajnë dhe të hapin sytë e të rrinë mirë. Edhe një nga djemtë tanë ta ndjeksh nëpër shkolla, po pati vakt dhe në rrofsh edhe jashtë shtetit ta nxjerç. Për mua mos u mërzit fare se kjo gjë qe e thënë nga ana e Zotit. Të duroç siç kanë duruar të gjith gratë e tjera.
Se unë në bazë të zëmrës që e kam të pastër dhe drejtsis time me shpresën e Zotit xhenetin e gjej te hapët, luftrat kështu e kan.
Ta le amanet me të shoqen e Selimit (vëllait) të shkosh më mirë seç ke shkuar dhe Shefqetin (qehajain) të ma mbajç mir, më mirë seç e ke mbajtur dhe në qoftë se dëshiron të vejë ne Kalenjë, është i lirë të bëjë si të dojë. Ju ta mbani mirë.
E dashur Deko, ta le amanet, Myzaferes (vajzës së madhe) t’i japç paj më mir nga shoqet se ka vuajtur shumë me mua dhe mundimi i saj vete kot. Thoi mos u mërzit fare se ke Selimin, Qamilin, Fatbardhin, çunin e Selimit Myzaferen, Nadiren, Dritën, ke plot. Neve kemi për të larë borxhet tona te Zoti.
Tashti e përfundoj duke të dërguar të falat e fundit dhe të piqemi në jetën e përsosur.
Burri yt – Sadush Kuqari
Fier, 11.08.1945

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.