12.5 C
Tirana
E enjte, 29 Shkurt, 2024

Mbeshtet RadiandRadi

spot_img

Ti di të jepesh!! Tasos Livadhitis (1922-1988)

on

|

views

and

comments

Tasos Livadhidis (1922-1988)
Tasos Livadhidis (1922-1988)

Ti di të jepesh!!

poezi nga Tasos Livadhitis

Ti di të jepesh e dashur,
di të jepesh e gjitha e mos të mbash asgjë për vete,
veç trazimit se mos ndoshta s’ke dhënë gjithçka!
Çdo gjë mund të ndodhë në kët botë, shpirtja ime,
po veç me buzqeshje le të vijë ajo,
pse më parë se t’i trokisje jetës sime,
ke jetuar ndër ëndrrat e mia e dashur…
Dhe mos dëgjo se ç’mund të thotë ndokush,
kur bota është kaq e shndritshme
dhe sytë e tu kaq të mëdhenj…
Në çastet më intime, me ty e jetova gjithë jetën….
që sërish të rishfaqemi bashkë një ditë
atherë të gjitha mbrëmjet dhe këngët do të jenë tonat…
Eh sa do të doja ta thërrisja emrin tënd, e dashur,
me gjithë forcën e shpirtit tim…
ta ulërija aq fort,
sa të mos flinte më, asnjë ëndërr e kësaj bote,
dhe asnjë shpresë të mos vdiste…

Dashuri dhe shi
Dashuri dhe shi

O zot sa e bukur që ishe,
si një pemë vezulluese n’një natë të kahershme Krishtlindjesh!
Më fal e dashur, pse kam jetuar përpara se të njihja ty!
I urrej sytë e mi kur s’ma shfaqin buzqeshjen tënde…
dhe ndjehem një i verbër që veç përlotet,
duke dëgjuar së largu oshtimën e një feste madhështore,
dhe si i verbër po kërkoj dorezën e derës,
në një shtëpi të përfshirë nga flakët…

…Që ti të lindje
dhe unë një ditë të gjeja ty…
u krijua bota…!

Prandaj e dashur, kur guxon t’më largosh nga vetja ta dish:
se ke lënë jashtë dere krejt një botë hidhërimi…
Nëse s’vdesim për njëri-tjetrin,
jemi pothuajse të vdekur…
E nëse gjen një të vdekur jashtë derës tënde,
ta dish se vdiq i therur prej thikës së një puthjeje,
që e ëndërronte për Ty, veç për Ty…
Prandaj shkelmë, të kem s’paku kënaqsinë se ishe ti e askush tjetër…

.
Përktheu Engrita Souli

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.