S’mund të qaj më…
nga Petraq Kolevica
Ishim bashkē me Lasgushin në shtëpi të Dhimitër Paskos, pasi u kthyem nga varrimi i tij.
Rrinim dhe s’na rrihej.
Kur Lasgushi u ngrit të shkonte, e shoqërova.
Më kujtohet fare mirë dhe s’do ta harroj kurrë.
Po shkonim përpara Pallatit të Kulturēs. Unë isha ende i përlotur. Lasgushi ndaloi, m’i nguli ata sytë e zinj, dhe tha:
-Sot unë jam më i mjerë se sa ti, sepse s’mund të qaj. Kam qarë shumë. Dikur qanja dhe duke qarë hanja një supë të varfër… lotët më rridhnin mbi pjatën e supës, mē pikonin në lugë dhe unë i kam ngrënë lotët.
Prandaj s’mund të qaj më…
Marë nga libri i Petraq Kolevicës – “Kështu ngjitesh tek yjet…”
Marrë nga muri i FB i Orhan Sakiqit, 27 mars 2023