Një fluturim mbi jetën e Pasternakut dhe “Doktor Zhivago”
nga Saimir Kadiu
“Sa e mrekullueshme të jesh gjallë, mendoi ai.
Por pse dhemb gjithmonë?” Pasternak – “Doktor Zhivago”
10 shkurti 1890… është ditëlindja e gjeniut që shkroi “Doktor Zhivago” (1957)…
Boris Pasternak lindi në Moskë 134 vjet me parë…
Babai i tij ishte piktor (Leonid Pasternak) dhe nëna e tij, një pianiste e famshme.
Ata inkurajuan tek Pasternaku i ri dashurinë për letërsinë që në moshë të re.
Ai kalonte orë të tëra vetëm në dhomën e tij të gjumit duke lexuar klasikët e letërsisë ruse – Tolstoj, Dostojevski, Turgenev dhe Pushkin.
Dy librat e tij të parë ishin përmbledhje me poezi: “Një Binjak në Re” (1914) dhe “Mbi Barrierat” (1917).
Pas Revolucionit Bolshevik të vitit 1917, ai vendosi që proza mund të trajtonte më mirë problemet e kombit, dhe kështu filloi të shkruante letërsi.
Në fillim të viteve ‘30, ai filloi punën për kryeveprën e tij, “Doctor Zhivago”, një roman epik që ndjek jetën e më shumë se 60 personazheve, në gjysmën e parë të Rusisë së shekullit të 20-të.
Ai ka shkruar: “Gjithmonë kam ëndërruar një roman në të cilin, si në një shpërthim, do të shpërtheja me të gjitha gjërat e mrekullueshme që pashë dhe kuptova në këtë botë”.
Romani përfundoi në vitin 1955 dhe ai e “nxjerr kontrabandë” nga Bashkimi Sovjetik te një botues në Itali.
Pasternak e dinte se po firmoste dënimin e tij me vdekje, por ai ndjeu se duhej ta bënte një gjë të tillë.
Romani u botua në vitin 1957. Ai u ndalua menjëherë në Bashkimin Sovjetik, por u bë një best-seller ndërkombëtar, duke u shitur 7 milion kopje në mbarë botën.
Mbas një viti Pasternakut iu dha çmimi Nobel në letërsi, por ai u detyrua ta refuzonte atë.
Ai i kaloi dy vitet e fundit të jetës së tij duke jetuar në një “koloni” shkrimtarësh, i kënaqur me faktin se romani i tij ishte botuar, megjithese nuk mundi të shihte një kopje të shtypur.
Boris Pasternak vdiq në vitin 1960.
Në vitin 1989, djali i tij më në fund pranoi çmimin Nobel në emër të Boris Pasternak.
Marrë nga Muri i FB, Saimir Kadiu, 10 shkurt 2024