12.5 C
Tirana
E premte, 1 Mars, 2024

Mbeshtet RadiandRadi

spot_img

Leksioni i madh i Marco Panellës nga Jozef Radi

on

|

views

and

comments

Marco Pannella (1930-2016)
Marco Pannella (1930-2016)
Marco Pannella (Giacinto Pannella) (1930-2016)
politikan italian, i vetpercaktuar si
“radikal, socialist, liberal, federalist europian, antiklerikal,
antiproibicionist, antimilitarist, joviolent e gandian…!”
Njeriu i 1000 betejave!
Marco Panella & Dalai Lama
Marco Pannella & Dalai Lama

Leksioni i madh i Marco Panellës

nga Jozef Radi

Para dy ditësh vdiq politikani më i madh i radikalëve italianë: Marco Pannella! Njeri i njimijenji betejave dhe i njimijenji kundërshtimve; Njeriu i paepur dhe zëngjirur përballë makinës së Pushtetit; Njeriu i vogël i nji partie që vërtet mbeti gjithnji e vogël, por që betejat e mëdha e madhështuan dhe ky Njeri me at shpirtin e mosnënshrimit e tkurri mjaft gjigandomaninë e partive tradicionale italiane , të cilat shpesh ndjeheshin të përjetshmet e pushtetit!!! Por që përballë tij, politika shpesh u detyrua ta pranojnë qofte edhe nënzë forcën, kurajon dhe moralin e këtij Njeriu në dukje i vetëm, por që gjithnji pati një mbështetje të pakufi në idetë e veta…
Ajo çka më shtyu t’i shkruaj këto rreshta në lamtumirë të tij, është nji fakt i thjeshtë dhe domethënës, një leksion i këtij politikani me pamje epike dhe me at zërin e tij grykor, që e bënte kurajon e tij të shfaqesh si kurajo e të shumtëve…
Ishte e nesërmja e zgjedhjeve të para pluraliste të 31 marsit 1991. Nga të paktët personalitete politike të zbarkuara në Shqipëri për të ndjekur këtë eveniment pothuaj të harruar ishte edhe ai: Njeriu i Njimije Betejave: Marco Panella i Radikalëve Italianë.
Ishte e hëna e 1 prillit 1991, kur në rrugën e Kavajës, mes dëshpërimit pvr moshumbjen e mundëshme të komunistëve, u shfaq edhe Ai, kur rezultatet po dëshmonin se pushteti ishte ne duart e tyre!! Ato pak muaj fushatë, nuk e kishin spostuar dot makinën e diktaturës aq sa ajo të rrëzohej… E megjithatë ishte nji fitore e madhe e qyteteve dhe humbje e fshatrave, ku Shkodra dhe Tirana ishin në krye, e shumë të tjera mbas tyre… Ku një inxhinjer minierash, krejt i panjohur kishte rrëzuar Presidentin Ramiz Alia; ku Shkodra e mosnënshtrimit kishte dalë e gjitha në rrugë, mbasi jehona e fitores së saj s’kishte mbrritë në çdo skutë të atij vendi, që ende ndjehej i terrorizuar, sepse në fund të fundit komunizmi s’mund ta lëshonte aq lehtë Fronin e një Gjysëmshekulli shtypje!!
Midis nji rrethi të dëshpëruarish në Rrugën e Kavajës, at mëngjes isha edhe unë, kur koka e e thinjur dhe pamja epike e Marco Panellës, u shfaq ashtu e qeshur dhe fut mes nesh duke na dhënë dorën e përshëndetur të gjithëve…. dhe:  “E una vittoria, una grande vittoria, e una grande dimostrazione, ragazzi, di un popolo che ha sofferto tanto. Non è possibile che una dittatura coma la vostra, va via cosi facilmente! Dovete credere e combatere! E la vittoria arrivera!!” (eshtë nji fitore, nji fitore e madhe, një dëshmi e madhe djem, e nji populli që ka vuajtur shumë. Nuk është e mundur që një diktaturë si kjo e juaja, të largohet kaq lehtësisht! Duhet të besoni dhe të luftoni, dhe fitorja do të arrijë!) Këto ishin fjalët e Marco Panellës at mëngjes të dëshpëruar prilli aty në Rrugë të Kavajës!
Nuk do t’i harroj kurrë fjalët e tij atë mëngjes. As atë dorështrëngimin e tij kurajoz, as atë portret plot energji… që s’di pse aq shumë i përngjante tim ati… Ndërsa humbte drejt qendrës së kryeqytetit, që kishte gjithkah hijen e trishtë të nji humbjeje!
Marco Pannella
Marco Pannella

Pastaj jeta e tij vazhdoi… E gjitha protestë, e gjitha kundërshtim. Nga 45 referndueme të kërkuara me këmbëngulje prej tij, në 36 i ka fituar PO-ja e tij. Po sa greva, sa protesta, sa tabu të thyera, sa vetsakrifikime të vërteta deri në kufijtë e vdekjes në emër të kauzave të mëdha… pafund, pafund…!
Marko Panella, do t’i mungojë debateve në parlament, do t’u mungoje protestave në sheshe, do t’i mungojë rrugës ku jetonte e ku i njihte dhe e njihnin të gjithë, Marko Panella do t’i mungojë të gjithë atyre që besojnë se politika bëhet një e keqe e madhe shtypëse, nëse nuk protestohet gjithnji kundra saj, dhe nëse ne nuk rebelohemi kundra saj, ajo do ta shtrijë thundrën e saj kudo që të jetë e mundur… deri në  tjetërsimin tonë!!!!
Grazie Marco!
21 maj 2016

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.