Kristaq Gogoni – Legjenda e paarritshme e futbollit Lushnjar – Portret nga Verxhil Xhafa

0
25
Kristaq Gogoni (1940)
Kristaq Gogoni (1940)
Kristaq Gogoni (1940)
Kristaq Gogoni (1940)

Kristaq Gogoni është prej prej atyre lojtarëve
që i jep emër dhe zemër krejt nji qyteti!
Kush ka pasur fatin të ndjekë në fushën e blertë
një lojtar si Ai, e kupton më së miri
se futbolli vërtet është nji loje kolektive
por shpesh mjafton nji individ i vetëm
dhe bëhet shpirt i nji skuadre që edhe pse province,
ishte muri ku shpesh “thyen hundët”
edhe më të mëdhatë e futbollot shqiptar
si Vllaznia, Partizani, Dinamo e Tirana...
Kurrë s’do t’i vijnë qytetit të Lushnjes nji treshe
si Kristaq Gogoni, Idajet Haxhiu dhe Mimi Xhoxhi
kurrë nuk do t’i kthehet nji lojtar si Kristaq Gogoni
që e kishe sulmues, golshënues, mesfushorë dhe mbrojtës,
nji lojtar që shumë njerzve ua ka bërë futbollin të dashur
dhe që ende janë të shumtë ata që ruajnë kujtime të pashlyeshme,
po edhe urime pakufi për kët sportist të papërsëritshëm…
jozef radi, 20 tetor 2015

Kristaq Gogoni

Legjenda e paarritshme e futbollit Lushnjar

Portret  nga Verxhil Xhafa

Kristaq Gogoni, lindi me 20 tetor 1940.
Pasi mbaron shkollën fillore dhe atë 7 vjeçare, vazhdon studimet në shkollën e mesme Politeknike “17 Nëntori” në Tiranë, kurse studimet e mëtejshme janë të lidhura me diplomimin në I.K.F. “Vojo Kushi” në Tiranë.
Maratonën futbollistike e nis në vitin 1955, duke qenë titullar në ekipin e të rinjve. Në vitet 1958-’59 bëhet pjesë e skuadrës së të rriturve, dhe një vit më pas është në përbërje të ekipit kampion të kategorinë Dytë, me trajner Abdurrahman – Roza Haxhiu.
U afirmua si futbollist i talentuar, në vitet 1962-’63 dhe tërhiqet nga klubi i futbollit “Partizani”, klub i Ushtrisë i cili mblidhte gjithë yjet e futbollit Shqiptar, duke shfrytëzuar veçanrisht kryerjen e detyruar të shërbimit ushtarak…

Kristaq Gogoni me Traktorin e viteve '60
Kristaq Gogoni me Traktorin e viteve ’60

Rikthehet në Lushnje për të kontribuarr dhe elektrizuar vit mbas viti mijra sportdashës lushnjarë deri në vitin 1975, kur e la ekipin e Traktorit… duke mbetur futbollisti simbol i këtij qyteti. Gogoni ishte vetë Lushnja!… Gogoni në krye të një grupi të talentuarish të të skuadrës “Traktori” i Lushnje u përball me yjet i futbollit shqiptar si Ali Mema, Panajot Pano, Iliaz Çeço, Medin Zhega, Ilir Pernaska, Ramazan Rragami, Sabah Bizi, Pilikes, Ibershimit… Një formacion i kompletuar me yje futbolli ku printe Ai, Everesti i Futbollit Lushnjar: Madheshtori Taq Gogoni… Njeri nga majat e larta të futbollit Shqiptar… me 320 ndeshje në aktivitetet Kombëtare, me 6 ndeshje Ndërkombëtare. Me 100 gola të shënuar në gjitha kompeticionet sportive, simpatizant dhe tifoz i përhershëm i futbollit Gjerman, Mik dhe simpatizant i legjendës së futbollit shqiptar: Panajot Panos.

Kristaq Gogoni - Model jashtë dhe brenda fushës së blertë
Kristaq Gogoni – Model jashtë dhe brenda fushës së blertë

Kristaq Gogoni qe njëherësh edhe trajner dhe mësuesi i përkushtuar i klasave sportive, Mjeshtër Sporti… dhe Qytetar Nderi i Lushnjes…
Në këtë 75 vjetor të tij, përkulem me respektin më të madh para veprës tënde, duke mos harruar kurrë se sa mjeshtëri, sa sakrifica dhe sa shpirt ke dhënë në fushën e lojës për të ushqyer shpirtrat dhe zemrat e mijra sportdashësve lushnjar ndër vite, për të mbetur qysh në të gjallë një legjendë më vete e futbollit të këtij qyteti dhe me përmasa të pambrritura deri sot nga askush tjetër. Taq Gogonin do ta krahasoja me një rrap gjigand me rrënjë të ngulura thellë në zemrat e gjithë atyre tifozëve, që kanë mundur të ndjekin spektaklin e tij në fushën në blertë…

Traktori i viteve '70
Traktori i viteve ’70

Rrofsh e gëzofsh edhe 100 të tjera o gjigand, o koleg, o vella. Mbarësia ju shoqëroftë kurdoherë ju, zonjës suaj të nderuar, Aleksandra dhe fëmijëve tuaj…

Gogoni - mes tre breza futbollistësh lushnjarë
Gogoni – mes tre breza futbollistësh lushnjarë

Kush është Kristaq Gogoni?

Kristaq Gogoni është një figurë e njohur në qytetin e Lushnjës, i cili i ka dhënë shumë futbollit. Ai mbahet mend për golat e shumtë që ka shënuar me fanellën e Traktorit (Lushnja aktualisht), falë të cilëve ky ekip ka luajtur edhe në Kategorinë e Parë (sot Superiore). Gogoni mbetet një nga emrat më të mëdhenj që ka nxjerrë futbolli i Lushnjës. Talenti i tij u shfaq në mesin e dytë të viteve ’50 dhe arriti kulmin në fillim të viteve ’60, kur nga Traktori i Lushnjës, me “urdhër partie” kaloi te Partizani, skuadra elitë e futbollit për atë kohë. Te “demat e kuq” luajti vetëm një sezon dhe më pas u largua nga regjimi për çështje biografie. Sakaq, ishte pjesë edhe e Kombëtares shqiptare, por nuk doli asnjëherë jashtë Shqipërisë, pikërisht për shkak të njollës në biografi.

Kristaq Gogoni midis Sotir Litos dhe Dane Baballekut
Kristaq Gogoni midis Sotir Litos dhe Dane Baballekut

Marrë http://www.panorama-sport.com

Related Images:

Artikulli paraprakArgumentet dhe metodat e politikës ekspansioniste serbe për ta sunduar Kosovën nga Akademik Mark Krasniqi
Artikulli tjetërA t’kthej pak te Shqypja primordiale… esse nga Jozef Radi
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.