Ballina Dr. Lazër Radi Arkivi Dr. Lazër Radi Kontributi i klerit në letërsinë shqipe – nga Dr. Lazër Radi

Kontributi i klerit në letërsinë shqipe – nga Dr. Lazër Radi

0
32
Dr. Lazer Radi 1995
Dr. Lazer Radi 1995
Dr. Lazer Radi 1995
Dr. Lazer Radi 1995
 
Leksionet e munguara të Dr. Lazer Radit,
sot ndokush mund t’i quajë të panevojshme
dhe të thotë se ato tashme nuk kanë asnjë vlerë…
dhe ne qetësisht ta pranojmë si të drejtë një mendim të tillë.
Por, secili prej jush, që do të ketë 4 minuta e 12 sekonda kohë të lirë
mund ta konsiderojë thjesht një bisedë,
të cilën ky njeri në fillimvitet ’90 e bëri me shumkënd…
Unë besoj se s’është kohë e humbur, por kohë e fituar,
dhe secili me të drejtë le të gjykojë më pas si e përcjell ai këtë bisedë,
bërë në vitit 1995, kur ai ishte 80 vjeç… j. radi
 
Lazër Radi 1995
Lazër Radi 1995

Kontributi i klerit në letërsinë shqipe

nga Dr. Lazër Radi

Kontributi i klerit shqiptar asht në origjinë të letërsisë shqipe dhe klerikët kanë dhanë kontributin e tyne, kontribut që ne na ka ndihmue jo vetëm për me e zbulue origjinën tonë të vjetër, po na ka ndihmue edhe ta përpunojmë gjuhën, mbas pushtimit pesë shekullor të Turqisë. Po vazhdimisht, edhe në kohën e Rilindjes shqiptare, disa klerikë kanë dhanë nji kontribut të shkëlqyem, nji kontribut shumë të vyem për letërsinë. Edhe këtu do të përmendim: Mjedën, Fishtën, Gjeçovin, Nolin, Prennushin, edhe shumë të tjerë.
Mbas Rilindjes, pothuej po këta duke shtue edhe ma të rinjtë, së bashku filluen me dhanë nji kontribut të madh në Letërsinë Shqipe. Kjo letërsi domosdo asht artistike, sepse të gjithë këta që të shkruenin tash vonë, ishin përgatitë në shkollat e Evropës Perëndimore.
Në ’44-trën, me ardhjen e komunizmit në Shqipni, nji komunizëm qi ishte serbo-sllav, e nuk ishte komunizëm i mirëfilltë, po ishte antishqiptar në gen të vet, atëherë domosdo qi jo vetëm u zhduk kjo lloj letërsie, po u zhdukën edhe autorët e saj. Ne kemi me qindra e qindra klerikë shqiptarë, nuk thamë vetëm katolikë po edhe ortodoksë e myslimanë që dhanë edhe jetën, që u vranë, u sakatuen, u masakruen prej komunizmit shqiptar, prej emisarëve të Titos dhe Stalinit.
Gjergj Fishta, asht shembulli i nji tragjedie të shëmtuet që u luejt në kurriz të popullit shqiptar dhe letërsisë shqipe, sepse na e dimë qi Fishta asht krijuesi i “Lahuta e Malsisë”, dhe e dimë se “Lahuta e Malsis” asht Epopeja Kombtare e Popullit Shqiptar. Aty asht e përjetueme e gjithë historia e shekujve të fundit të jetës shqiptare, prandej ata e kanë pasë shumë mirë, si anmiq të Shqipnisë, e si të Kulturës Shqiptare, ta luftonin Fishtën, sepse Fishta ishte nji nga kreatorët, nji nga krijuesit e shqiptarizmës, e atëhere duhesh të zhdukesh ky njeri, edhe do ta zhduknin, por ai kishte vdekë. Ata ishin aq diabolikë, aq njerëz perversë, sa që ju delte punë edhe me të vdekunit. Pavarsisht se në gjithë botën, i vdekuni nderohet e respektohet… këta treguen barbarizmin e tyne, qi nuk mund ta gjesh shoqin as ndër Bushimanët, as ndër Hotentotët, as ndër popujt ma barbarë të botës, nuk mund ta gjeshë nji krahasim dhe nji ballafqim të tillë. Që të çohet shqiptari e të luftojë shqiptarin intelektual, ai që i ka dhanë aq dritë, që i ka dhanë aq jetë e aq hapsinë vendin edhe popullit, ta zhdukësh në atë mënyrë, kjo asht nji gjà qi s’mund ta bajnë të gjithë. E ka ba vetëm ai lloj regjimi siç ishte regjimi i Enver Hoxhës…
.
Zbardhë nga tekstit i vitit 1995, ku Dr. Lazër Radi ku flitet për Klerin dhe kontributin e Fishtës me kulturën shqiptare
 
 
 

 

Related Images:

Artikulli paraprakLaci i lagjes admiron përdhunuesin serial të demokracisë – nga Ardian Ndreca
Artikulli tjetërMehdi Frashëri në kohën e Pushtimit Italian
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

S'KA KOMENTE

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.