16.5 C
Tirana
E diel, 3 Mars, 2024

Mbeshtet RadiandRadi

spot_img

Je i gjykuar nga Teatri Kombëtar Rama! – nga Elona Caslli

on

|

views

and

comments

Elona Caslli
Elona Caslli
Vepro në mënyrë të tillë që akti yt
të jetë i denjë për t’u shndërruar në kujtim.
Gesualdo Bufalino

Je i gjykuar nga Teatri Kombëtar Rama!

nga Elona Caslli

E kam të vështirë ta besoj se mund të të kenë mbetur miq. Nëse fatkeqësia t’i afron miqtë e vërtetë, pushteti t’i largon ata.
Je i rrethuar nga njerëz që tek ti, nuk shohin gjë tjetër veçse një bankë favoresh e si rrjedhim nuk duan të ta thonë të vërtetën në sy.
E vërteta do të bënte kurban favorin e tyre dhe nuk do të ishte aspak e leverdishme. Ndaj më mirë të të dehin me gënjeshtra se të të zhdehin me të vërtetën.
Kur ishe i ftuar tek Xing me Ermalin, pate disa çaste kthjellimi. Teksa e gjete veten duke luajtur basketboll me ushqimin, ose më saktë duke hedhur një tortë në kosh, the:
“Nuk mendova se do të merrja pjesë në një turp të tillë.”
Dhe ishte me të vërtetë një turp.
Nëse do të jesh rritur nga gjyshërit, do ta kesh dëgjuar medoemos shprehjen se buka nuk shkelet. Të vjetrit e bëjnë shpesh këtë veprim. Në ecje e sipër, kur përballen me një copë buke të hedhur përtokë, e marrin dhe e vendosin në një vend, ku mos ta shkelë këmba e njeriut.
Por, mesa duket edhe urtia e gjyshërve i rri larg pushtetit dhe shfaqet vetëm në pak çaste kthjellimi; në ato çaste që ty të nevojiten më shumë se kurrë tani.
Në çastet e kthjellimit do të kuptosh se i ke shpallur luftë popullit tënd. Po sillesh me të si një pushtues dhe jo si një përfaqësues.
Një teatër i rrethuar nga policë. Ku është parë e ku është dëgjuar kjo? Në ç’vend?! A më thua vallë?!
Një artist që gjendet i rrethuar nga policë?! A ka turp më të madh?!
.
Edi Rama - Kryeministri i Shqiperise
Edi Rama – Kryeministri i Shqiperise
E në mes këtij turpi je ti! Je ti krejt i braktisuar qoftë nga pesha e argumenteve që përdor për të përligjur të paligjshmen, qoftë nga populli yt, i cili nuk gjendet në krahun tënd, por gjendet përballë teje.
Gjendesh i rrethuar nga populli yt, ndonëse e ke të vështirë ta besosh.
Je i gjykuar nga qytetaria. Je i gjykuar nga drejtësia. Je i gjykuar nga arti.
Je i gjykuar nga Teatri Kombëtar!
.
Post Scriptum – Arti është i vetmi vend, ku mund ta kërkosh ende të vërtetën!

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.