Humbja e albanologut Wilfried Fiedler, përtej dhimbjes! nga Jozef Radi

0
8
Wilfried Fiedler (1933-2019)
Wilfried Fiedler (1933-2019)
Wilfried Fiedler (1933-2019)
Wilfried Fiedler (1933-2019)

Humbja e albanologut Wilfried Fiedler, përtej dhimbjes!

nga Jozef Radi

Shënim i përgatitur për Gazetën Koha Ditore – Prishtinë

Humbja e albanologut gjerman Wilfried Fiedler, trishton si çdo humbje njerëzore, por çka e bën më të trishtë kët humbje është fakti se kohët e fundit kemi humbë nji mbas nji figura tejet të randësishme të albanologjisë, dhe në bindjen time asht se sot janë krejt të pakët ata që përfaqësojnë nga brezi i ri në këtë fushë, që nesër do të jenë vazhdues të denjë të kësaj fryme dhe këtyre kontributeve të pashoqe…
Në pak vite nga albanologjia u humbën Ramadan Sokoli (1920-2008), Shaban Demiraj (1920-2014), Aleksandër Stipçeviç (1930-2015), Mark Krasniqi (1920-2015), Robert Elsie (1950-2017), Kolec Topalli (1938-2018), Kurt Gostentschnigg (1965-2018), Idriz Ajeti (1917-2019), Hans Joachim Lanksch (1943-2019) Wilfried Fiedler (1933-2019), krejt një plejadë që përban nji humbje të papërmasë për albanologjinë si shkencë dhe si përkushtim intelektual… po edhe për gjithë ata që e kanë ndjekë ndër vite punën e këtyne emrave të shndritshëm…
Gjithë kontributi dhe vepra e tyne ka qenë nji vazhdimësi shumëshekullore e emnave ma të shquar të shkollës gjermane po edhe më gjerë. Ishin këta që i dhanë përmasat e vërteta studimeve albanologjike në gjitha tryezat ndërkombëtare duke e lartuar atë si shkencë… S’duhen harruar pionerët e kësaj pune të madhe si: Jacob Philipp Fallmerayer (1790-1861), Franz Bopp (1791-1867), Johann Georg von Hahn (1811-1869), Karl Heinrich Theodor Reinhold (1834-1880), Gustav Weigand (1860-1930), Theodor Anton Ippen (1861-1935), Norbert Jokl (1887-1942) Maximilian Lambertz (1882-1963)… të cilët u projektuan në figurat e larta shqiptare të albanologjisë si: Eqrem Çabej (1908-1980) dhe Selman Riza (1909-1988)
Edhe pse sot në horizont s’ka shumë figura të kësaj vazhdimësie dhe as përkushtim të dukshëm në fushë të albanologjinë, shpresoj që e nesërmja të na ofrojë djem e vajzat të përkushtuara ndaj saj…
Ndaj humbja e albanologut Wilfried Fiedler, krahas dhimbjes duhet të jetë edhe nji sirenë alarmi për Albanologjinë shqiptare të shekullit të XXI.
.
Jozef Radi, 13 shtator 2019
.

Related Images:

Artikulli paraprakSelman Riza, dritë mbi “letërsinë e vjetër” shqipe – nga Behar Gjoka
Artikulli tjetërShtegu i Kodoshëve – Tregim nga Ramiz Gjini
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.