Gina Lollobrigida – Luigia Lollobrigida (1927-2023) – Diva e Kinematografisë dhe Bukurisë Italiane

0
6
Gina Lollobrigida (1927-2023)
Gina Lollobrigida (1927-2023)
Gina Lollobrigida (1927-2023)
Gina Lollobrigida (1927-2023)

Gina Lollobrigida – Luigia Lollobrigida (1927-2023)

Diva e Kinematografisë dhe Bukurisë Italiane

Gina Lollobrigida ne Vite
Gina Lollobrigida ne Vite

Gina Lollobrigida – Luigia Lollobrigida (Subiaco, 4 korrik 1927 – Roma, 16 janar 2023), e mbiquajtur edhe Bersagliera – u largua kësaj jetë në moshën 95 vjeçe.
Protagoniste e madhe e kinemasë italiane!
Gjatë karrierës së saj ajo bashkëpunoi me regjisorët e njohur italianë Alberto Lattuada, Vittorio De Sica, Mario Monicelli, Pietro Germi, Alessandro Blasetti, Mario Soldati,
Si dhe me regjizorë ndërkombëtarë të një rëndësie të madhe si: Vincent Sherman, John Huston, Carol Reed, King Vidor, Melvin Frank dhe Robert Z. Leonard,
Interpretoi me sukses në krah të artistëve me famë botërore si:
Gjatë karrierës së saj ajo është shpërblyer me çmime të shumta, ku përfshihen:
-Golden Globe për filmin “Back to September”;
-Shtatë çmime David di Donatello,
-Dy Shirita të Argjendtë,
-Një yll në Hollywood në Walk of Fame,
-Një nominim BAFTA për filmin “Bukë, dashuri dhe fantazi”
Lollobrigida qe e lidhur fort me Toskanën dhe në 2007 u bë qytetare nderi e Pietrasantas.
Ajo mbetet ndër aktoret më të bukura e më të rëndësishme të brezit të saj!
Së bashku me aktoren Sophia Loren ishin Ambasadore të Italisë në Botë.
Në pranverë të 1947, merr pjesë në Miss Roma dhe del e dyta. Ftohet në Stresa për finalet e Miss Italias, ku zë vendin e tretë, mbas Lucia Bosèsë e Gianna Maria Canales: edhe ato Yje të Kinemasë si ajo.
Në janar të 1949, në Rieti, ajo u martua me mjekun slloven Milko Škofič.
Në korrik 1957 ata patën një djalë, Andrea Milko Škofič, i cili u dha një nip, Dimitrin, të lindur në 1994. Në vitin 1971 ajo u divorcua nga burri i saj.
Në korrik 2013 nxjerr në ankand 22 bizhuteri nga koleksioni i saj, të firmës Bulgari. Ankandi i bamirësisë i dha 3.800.000 euro: pjesa më e vlefshme ishin një palë vathë me perla e diamante që u shitura për 1.850.000 euro
Në maj të 2018, në moshën nëntëdhjetë e një vjeç, ajo zbuloi për gazetën Libero se ishte viktimë e përdhunimit. Më 1945, kur ishte tetëmbëdhjetë vjeçe dhe e virgjër, ajo u përdhunua nga një futbollist i njohur i Lazios, të cilin aktorja nuk desh ta rrëfente identitetin e tij! Ngjarja tragjike shënoi jetën e saj, kur vendimi i martesës me një mjek slloven në vitin 1949, u mor nga dhuna e pësuar dhe jo prej ndonjë ndjenjë dashurie.

Gina Lollobrigida - Diva e Kinemase
Gina Lollobrigida – Diva e Kinemase
Gina Lollobrigida - në disa role të saj
Gina Lollobrigida – në disa role të saj
Gina Lolobrigida
Gina Lollobrigida

Përshtatur nga Wikipedia, Jozef Radi

Related Images:

Artikulli paraprakUn pensiero al volo sul romanzo autobiografico di Visar Zhiti Sulle strade dell’inferno – La mia vita nel carcere di Spaç – da Arben Borshi
Artikulli tjetërErnest Koliqi – Figura e Pacënueshme e nji Patriarku – nga Dr. Leka Ndoja
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.