Fjalë të vështira të një lamtumire… – Ermira Xhomaqi – Godo për Seit Xhomaqin

0
16
Seit Xhomaqi
Seit Xhomaqi
Seit Xhomaqi
Seit Xhomaqi

Fjalë të vështira të një lamtumire…

Ermira Xhomaqi – Godo për Seit Xhomaqin

Atje ku dhimbjeve të tua u shtohen dhimbjet pafund për ata që s’i kemi më pranë,
Atje ku ndarja s’është veçse një tjetër horizont, e një limit i paanë.
Atje ku jeta e njeriut merr një tjetër kuptimësi,
Atje ku kam patur fatin e madh të jetoj e të rritem pranë mençurisë së tij,
Atje ku përkundem edhe sot në fjalët e këshillat e tij… e mbi të gjitha,
Atje ku ti, edhe 45 vjet pas Revoltës së Spaçit, kujtoje atë ferr si vendin më të mirë për ta njohur tjetrin, ku më e shndritëshmja e burrit prej tridhjetepesave ndjente kërcitjen e llozave, rënkimet e çelsave…
Atje ku bëheshe detyrueshëm “minatori më i mirë” e citoje vargje pafund në frëngjisht për të hedhur tej, krejt shijen e humbur të jetës…
Atje ku e keqja më e madhe që i ndodh njeriut në një çast të caktuar të jetës, nuk është ajo që ai pëson asaj dite, por ajo e mëpasmja, më e vështira që të bën të luftosh e të guxosh për ta rindërtuar jetën përsëri…
Atje ku njoh e shquaj më mirë atë ditë plot diell e dritë që zbriti ngadalë prej një tempulli për ty e të fali për vitet më pas çka ti kishe më të shtrenjtë: relievet e pafund të sfidave intelektuale, projektet e dosjet e radhës, e sikur të mos mjaftonin asnjëherë ato të cilat tashmë ishin kryer e realizuar, të tjera mbanin gjallë përherë tek ti, vizionin elegant, entuziazmin, gjithçka altruiste e plot dashamirësi…
Atje ku sot një curril loti më rrokulliset në faqe pa më marrë leje, e mikpritës më shfaqesh sërish…
.
Seit Xhomaqi
Seit Xhomaqi

***

Seit Xhomaqi, lindur më 5 maj 1940, në Bejkovë të Kolonjës, në një familje me tradita patriotike, mësuesi i ri i diplomuar në bio-kimi, kundërshtar i sistemit totalitar, arsye për të cilën arrestohet një ditë prilli të vitit 1975, për agjitacion e propagandë, dhe vuan vite të tëra në burgun e Spaçit. Pas internimit në fshatrat e Elbasanit, ku qëndroi deri në përmbysjen e sistemit komunist, altari i tij i fundit do të ishte Franca, një vend ku as e mira, as e keqja s’mund të braktisen aq lehtë sa dëshirojmë ne, e gjithsesi mund të gjesh së fundmi paqe e qetësi.
 
***
E kam pasur kaq të vështirë të gjej fjalët e lamtumirës për ty… Ashtu si fjalët e mirënjohjes sime të thellë që mbartin brenda copëza dhimbje e zemre. Të falenderoj pafund të më kesh dhuruar këtë vendstrehim të bekuar!
Pranë teje me mendje e me zemër xhaxhai im i paharruar, dy vjet pa ty!
.
Ex, 28 dhjetor 2020
.

Related Images:

Artikulli paraprakÇmimet “At Gjergj Fishta – Poeti i Kombit” – 30 Dhjetor 2020
Artikulli tjetërLetërsia shqipe: Një piramidë e përmbysur – nga Behar Gjoka
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.