back to top
10.5 C
Tirana
E martë, 19 Mars, 2024

Dy Gladiatorë Ilirë në qytetin antik të Durrësit

Gazeta

Dy Gladiatorët Ilirë (Janaq Paço)
Dy Gladiatorët Ilirë (Janaq Paço)

Dy Gladiatorë Ilirë në qytetin antik të Durrësit

Me 15 qershor 2015, u vendosën në qytetin e Durrësit për herë të parë, mbas më shumë se 40 vitesh Dy Gladiatorët e punuar nga Janaq Paço.
Odiseja e ekspozimit të Dy Gladiatorëve Ilirë është e gjatë. Në të vërtetë, dy figurat monumentale u porositën në fillim të viteve 1970, nga bashkëpunëtori i vjetër shkencor, dhe drejtori i Muzeut Arkeologjik të Durrësit Vangjel Toçi.

Historia e Dy Gladiatorve
Historia e Dy Gladiatorve

Taselat prej allçie të skulptorit Janaq Paços (1914-1991) qëndruan deri në vitin 2005, në mjediset e Muzeut Arkeologjik të Durrësit, më pas ato u derdhën në beton artistik në kryeqytet dhe vetëm para pak vitesh u rikthyen sërish në Durrës dy vjet më parë, në pritje të nji sistemimi përfundimtar në ndonjë prej shesheve të qytetit antik bregdetar
Më së fundi ato u vendosën në lulishten bregdetare, duke shfrytëzuar edhe sheshet e vogla prej betoni, që u ndërtuan për projektin e Parkut Arkeologjik në vitet 1970.

Dy Gladiatoret - te Vollga
Dy Gladiatoret – te Vollga

***

“Gladiatorët” është një kompleks monumental fillimisht i porositur pranë skulptorit Janaq Paço nga Prof. Vangjel Toçi, drejtor i Muzeut Arkeologjik ne v.1969. Paço e mori parson e tij dhe mbështetur në dy foto gravura të gjetura në amfiteatrin e Durrësit (sot ato ndodhen në Muzeun e Beogradit, sepse në kohën e dashurisë midis Titos dhe Hoxhës, serbët i morën me pretekstin se në atë kohë nuk kishte specialistë në Shqipëri për t’i rigjeneruar, nuk e kuptoj pse ato nuk sillen në vend si pasuri e jona) kompozoi dhe realizoi dy gladiatorë mbi 3.30 mt. secili në pozicion dylyftimi a morte.

Për arsye të shumta këto nuk arritën të vendoseshin (një temë tjetër). Dje, ato përfundimisht panë dritën e duhur si një pasuri e veçantë e inventarit skulpturor të Shqipërisë. Si Paço dhe Toçi prej mbi 20 vite janë në botën e përtejmë, por kontributin e tyre duhet ta vlerësojmë si një thesar të paçmuar. Paço dhe Toçi, nëse shikoni ato gravura kanë respektuar me vendosmëri veshjet në trupat e gladiatorëve. Eshtë hera e parë që nëpërmjet artit të skulpturës të epokohet një periudhë e Ilirisë së kombit tonë. (Nikolin Kurti, nga faqja e fb)

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Artikujt e fundit

Copy Protected by Chetan's WP-Copyprotect.