Aty ku s’jepet drejtësi nuk ka përparim! Klodi Stralla (fb)

0
9
Uli Henes - Bajern Munchen
Uli Henes - Bajern Munchen
Uli Henes - Bajern Munchen
Uli Henes – Bajern Munchen

Aty ku s’jepet drejtësi nuk ka përparim! Klodi Stralla (fb)

Çeshtja Uli Hënes… dhe Drejtësia Shqiptare!!!

“Pas diskutimesh me familjen, kam vendosur të pranoj vendimin e gjykatës së Mynihut në lidhje me dënimin tim për evazion fiskal. Kam instruktuar avokatët që të mos apelojnë, duke marrë kështu përsipër çdo përgjegjësi personale. Evazioni, ishte një gabim i madh në jetën time, pasojat e të cilit duhet t’i paguaj unë. Veç të tjerash, detyrat e mia si president i Bajernit ia kam dorëzuar menjëherë bordit supervizor për të shmangur çdo dëm që mund t’i shkaktohet klubit.
Puna që kam bërë gjatë gjithë jetës në shërbim të Bajernit do të jetë aty. Do të mbaj lidhje me këtë klub dhe njerëzit pranë tij në çdo formë të mundshme për sa kohë të jem gjallë, përgjithmonë…
Miqtë e ngushtë dhe gjithë tifozët e Bajernit i falenderoj nga thellësia e zemrës për mbështetjen që më kanë dhënë!”.
Kjo ishte deklarata për shtyp e presidentit të Bajernit të Mynihut, ish futbollistit legjendar të ekipit kombëtar gjerman dhe klubit të Bajernit të Mynihut të viteve ’80, 62 vjeçarit Ulrich (Uli) Hënes. Nepërmjet një letre emocionale, të publikuar në faqen zyrtare të klubit, ku ai deklaroi vendimin për t’u dorëhequr nga drejtimi i klubit dhe njëkohësisht për ta pranuar dhe mosapeluar vendimin e gjykatës.
Gjyqtari i çështjes për evazion fiskal në Gjykatën e Mynihut, Rupert Heidl, ditën e enjte në orën 14:00, pas 4 ditëve shqyrtim mori vendimin përfundimtar për Uli Hënesin: “…deklarimin fajtor, për evazion fiskal dhe dënimin e tij me 3 vjet e 6 muaj burg…!”
Ky skandal u zbardh për shkak të marrëveshjes së qeverisë gjermane me atë zvicerane, ku çdo llogari e shtetasve gjermanë në Zvicër do u dërgohej autoriteteve të Gjermanisë. Një ndër viktimat e kësaj marrveshje ishte dhe Uli Hënes. Presidenti i Bajernit u gjykua për 3.5 milionë euro evazion fiskal, që vinte nga fshehja e dy llogarive bankare në Zvicër. Por, në gjykatë ai pranoi se shuma shkonte në 28.46 milionë euro.
Ai pagoi direkt 10 milionë euro taksa dhe 5 milionë euro si garanci, si dhe bëri vetëdenoncim sipas rregullave të ligjit gjerman…

Uli Henes dhe Gjermania Kampione 1974
Uli Henes dhe Gjermania Kampione 1974

Shumë kuptimplotë qe edhe reagimi i opinionit publik gjerman në lidhje me ngjarjen:
Presidenti i Ligës, Raubal: “Puna dhe dora e artë e Uli Hënesit për futbollin gjerman nuk shuhen kurrë. Ato do të qëndrojnë në jetë të jetëve. Sjellja e tij me financat ka qenë e gabuar, çka e pohoi edhe vetë…”
Kryetare e Komisionit të ligjeve, Renate Kynast: “Burgu, pa lirim me kusht ishte i pashmangshëm; pa dyshim që gjykata s’kishte si të vendoste ndryshe për këto shuma marramendëse. Para ligjit janë të gjithë të barabartë…”
Ministri i Financave, Peter-Jurgen Shnajder: “Shteti i së drejtës tregoi që nuk ia lejon vetes të ndikohet nga statusi i të pandehurve. Ky vendim tregoi se sa e rëndë ka qenë situata dhe ky skandal…”
Bosi i Hamburgut, Jarhov: “Unë nuk jam jurist dhe të gjitha këto nuk mund t’i paragjykoj dhe kundërshtoj. Por, uroj që për një burrë si Hënes të bëhen përjashtime dhe lehtësime, sepse është njeri human…”

Kur lexoj këto lajme pa dyshim mendja më shkon tek Shqipëria jonë.
Është e pamundur të përparojë një vend i zhytur në korrupsion por pa të koruptuar…; një vend me gjykata, po ku mungon drejtësia…; një vend ku në krye të institucionit ku bëhen ligje gjendet një hajdut…; në krye të qeverisë, një i akuzuar për dhjetra afera të pahetuara…; në krye të opozitës një i akuzuar që i shpëtoi drejtësisë pse kishin kaluar afatet e hetimit…; një vend me një prokuror “eunuk”, me shërbim inteligjent “memec”, me një polici të drejtuar nga sharlatanë, me një Kontroll të Lartë Shtetëror inekzistent apo me një ILDK qesharake…
Çështja “Hënes” na dha një model sjelljeje, si për ata që japin drejtësi ashtu edhe për ata që e respektojnë drejtësinë…
Në se duam të përparojmë duhet të ndjekim shëmbuj të tillë.
Marrë nga muri i fb Klodi Stralla 16 mars 2014

Related Images:

Artikulli paraprakDy fjalë edhe prej meje, autorit të librit “E Penguara…” Lindita Dema – Harizaj
Artikulli tjetërEric Fromm (1900 – 1980) – Arti i dashnisë
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.