Mbresa të një promovimi – nga Arjola Kondakçiu

0
14
Arjola Kondakçiu dhe Jozef Radi, në Panairit e 24 të Librit
Arjola Kondakçiu dhe Jozef Radi, në Panairit e 24 të Librit
Arjola Kondakçiu dhe Jozef Radi, në Panairit e 24 të Librit
Arjola Kondakçiu dhe Jozef Radi, në Panairit e 24 të Librit

Mbresa të një promovimi

nga Arjola Kondakçiu

Ka akoma njerëz që i mbajnë premtimet, dhe një nga ata është Jozef Radi, i cili në një hark kohor pesë vjeçar, mundësoi dritën e botimit të veprave të plota të Lazër Radit, mbas vdekjes së babait të tij.
Duke marrë shkas edhe nga përvoja ime, e ngjashme në thelb, mbasi para shumë vitesh jam marrë me përzgjedhjen, redaktimin dhe botimin e librit të parë dhe të fundit të tim vëllai, Ardianit, një vit pas vdekjes (në moshën 32 vjeçare ai humbi jetën aksidentalisht, duke punuar si emigrant në Athinë), u emocionova që mora pjesë në këtë promovim të veçantë, gjatë Panairit të 24 të Librit 2021, në Tiranë, e ku në bashkëpunim me shtëpinë botuese “Jozef” me qendër në Durrës, dhe nën kujdesin e botuesit Aurel Kaçulini, Jozef Radi na prezantoi në mënyrë dinjitoze “Veprën e Plotë” të Lazër Radit.
Lazër Radi - Vepra e Plotë
Lazër Radi – Vepra e Plotë
Ishin gjithsej 23 libra, me një larmishmëri zhanresh si: Trilogjia e Jetës, vepra në poezi, në prozë, në publicistikë, monografi, kujtime, ditare dhe shënime, letërkëmbime, historike, studime, si dhe një pjesë të veprës ) vepra në përkthime të ndryshme nga Platoni, Frojdi, Leo Ferrero, John Bowle, Mark Milani, Jevrem Bërkoviq etj.
Ndërkohë që, shkrimet e Lazër Radit, ku ka lënë një pjesë të shpirtit, tashmë do udhëtojnë në çdo kohë për lexuesit që janë të interesuar për të vërtetat e një njeriu dhe një kohe që e kemi jetuar të cunguar.
Unë mendoj se kjo vepër është një “pasuri letrare” që na është dhuruar bujarisht edhe pas humbjes fizike të autorit. Ndihem e privilegjuar, që prej disa kohësh m’u dha mundësia të kem një njohje të disa prej veprave të tij.
Vërtet, sepse përtej gjithë sakrificave, rezultati ka rëndësi, dhe në këtë rast librat e Lazer Radit do t’i shërbejnë si një model i intelektualit të shoqërisë shqiptare, në vazhdimësi!
.
Panairi - 24 i Librit Promovimi i Veprës së Lazër Radit
Panairi – 24 i Librit Promovimi i Veprës së Lazër Radit
Gjithçka që ndodh, ndodh për një arsye, dhe asgjë nuk humbet nëse ka motivin e duhur, për të mbrritur tek lexuesit. E rëndësishme është që veprat e Lazër Radit, pa as më të voglin dyshim do bëhen burim force, inkurajimi, frymëzimi e shprese për shumë persona…
Uroj që dhe i biri i Autorit, Jozefi të shijojë Paqen e këtij amaneti të përmbushur përmes sakrificash dhe një përkushtimi të pashoq, në këtë ndërmarrje që pakkush mund ta realizonte!
.
Marrë nga muri i Fb i Arjola Kondakçiut, 22 nëntor 2021
.

 

Related Images:

Artikulli paraprakPër një Konventë elitare dhe unike të PD – nga Romeo Gurakuqi
Artikulli tjetërShtëpia e Lindjes së Gjeniut: Mikelanxhelo Buonarroti
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.