back to top
32.5 C
Tirana
E diel, 21 Korrik, 2024

Notre Damet e mia – nga Ismail Çala

Gazeta

Notre Dame - 15 prill 2019
Notre Dame – 15 prill 2019
Na e patëm Notre Damen tonë gotike
Vaun e Dejës dhe e hodhëm në erë,
francezët e pshtuen prej zjarrmit historinë e tyne.
Gjergj Kola
.
Hedhja në erë e Kishës së Vaut të Dejës
Hedhja në erë e Kishës së Vaut të Dejës

Notre Damet e mia

nga Ismail Çala

Nuk kam qënë asnjëherë në Paris dhe kësisoj s’e kam parë Notre Dame, por qysh të vegjël, e kemi njohur falë Viktor Hygoit.
E dimë edhe prej Kuazimodos dhe Esmeraldës, kështu që më erdhi keq që u dogj dhe u gëzova që shpëtoi një pjesë e saj.
Unë kam qarë për rininë time që ma dogji komunizmi… e ky është Notre Dame im.
Kam qarë për prindërit e mi që nuk mundeshin të na rrisnin si duhej, që gjithë frikë nga pushteti komunist mundoheshin të na edukonin dhe fisnikëronin… e ky ishte Notre Dame im.
Qaj për ëndrrën e lirisë të Dhjetorit 1990, e cila sot e kësaj dite nuk është realizuar e kërcënohet hapur nga mbeturina të asaj kohë… dhe ky është Notre Dame im.
Notre Dame joni u prish në 1967, kur të pafetë prishën kishat e xhamitë… e qajmë e vuajmë akoma sot e kësaj dite.
Më vjen të pëlcas që shtëpinë e Fishtës nuk e rindërtojnë… e kjo më bën të vuaj për Notre Damen tonë.
Më vjen të ulërij kur shoh monumente kulturore si Ura e Beqarit mbi Shkumbin, e cila është në mëshirë të fatit… ky është Notre Dame e jona.
Të pëlcas më vjen që fshati Bixellë po rrëshqet drejt Zaranikës e askush s’e çan kryet… ky është vaj medet Notre Dame yni.
Të thërras si prehistorik për vizat që po na i heqin e po na kthejnë si dikur kur rrinim rradhëve të ambasadës greke për një vizë… ky është Notre Dame me halle yni.
Të qaj e të vajtoj për djemtë e vajzat që marrin rrugët e botës pse këtu nuk jetohet më, sepse hajdutët qeveritare e drogmenë s’po lënë gjë pa i bërë këtij vendi… e këtu Kuazimodo duhet të qajë edhe për ne.
Notre Dame janë pensionistët që ju shtua pensioni sa një paketë cigare e ilaçet i marrin të skaduara…
Për të gjitha këto unë qaj… qaj dhe revoltohem kur shoh këta lotë krokodilësh nga të “gjithpushtetshëm”, të cilët tallen gjithë ditën me popullin e tyre.
Notre Dame kurrë s’e kam parë, por ditë përditë e kemi para syve tanë, është atdheu i cili kërkon nga ne shpëtim!
.
Notre Dame - 15 prill 2019
Notre Dame – 15 prill 2019

Marrë nga muri i fb i Ismail Çala, 16 prill 2019

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.