14 Dhjetori, Dita që ndryshoi Fatin tim nga Mirush Osmani

0
8
Mirush Osmani pranë vatrës familjare
Mirush Osmani pranë vatrës familjare
Mirush Osmani ne vendlindjen e tij Kardhiq
Mirush Osmani ne vendlindjen e tij Kardhiq 

14 Dhjetori, Dita që ndryshoi Fatin tim…

nga Mirush Osmani

Sot është 14 dhjetor 2014, dhe unë përkujtoj jo pa entusiazëm ditën më të Shenjtë të jetës sime: 34 vjetorin e Arrestimit tim (pra të Shpëtimit Tim…!!!)
Dhe sot në kët ditë të shë(mt-n)uar… kam dëshirë të sjell ca dialogë, që edhe pse kanë kaluar 34 vite, nga ai 14 dhjetori i 1980, gjithçka e kam të freskët dhe të gjallë, si të ishte fjala për diçka të ndodhur dje:
-Kurrë nuk ke për ta parë dritën e diellit!! – ulurinte si bishë hetuesi i parë, Ylber Shehu.
-Do të ta hamë mishin pak nga pak! – shtonte hetuesi kanibal Special, Rrapi Mino.
-Nuk do ta shohësh kurrë më Gjirokastrën!… çirrej gjykatësi Sadik Qordukaj…
-I pandehur, je Armik i betuar i Partisë dhe i Popullit… e plotësonin kët atmosferë klithmat e Dhimitër Zhullës…
Oh, sot në kët ditë të shë(mt-n)uar timen ndjej shumë keqardhje për Ju persekutorët e mi, (dhe jo vetëm të mijtë), pse shumë nga ëndrrat tuaja “fisnike”, për fat të keq nuk u realizuan, e që ju ishit betuar para Partisë suaj Heroike, se do të zhduknit nga faqja e dheut një 20 vjeçar armik… Prandaj sot në kët ditë të shë(mt-n)uar timen, unë i lutem Zotit që t’ju falë e t’ju mëshirojë për krimet e shumta që ende jetojnë në shpirtrat tuaj…”

Drejtesi Komuniste!
Drejtesi Komuniste!

O Ylber Shehu: unë jo vetëm e pashë Dritën e Diellit shqiptar, po edhe atë grek, edhe atë italian, edhe atë gjerman dhe sot jam duke u ngrohur nën diellin francez… Gjithkund nga shkova gjeta të njëjtin diell që më ngrohu kudo… Po ti ku je fshehur, dhe pse i frikesh dritës së Diellit, bashkë me krimet e tua..??
Ju shoku Rrapi Mino, vërtet ca ditë të jetës sime m’i hëngërt, ama mishin s’ma hëngërt dot, diçka tjeter ndoshta, po jo aq sa duhet, për gjitha krimet e ndyra dhe vendimet kriminale që keni firmosur ndaj shumë të pafajshmëve… Hahahahahahahh…
O Sadik Qordukaj, unë jo vetëm e pashë Gjirokastrën time të ëmbël e të shtrenjtë, por sa herë që shetis kalldrëmeve të saj kujtoj sa sa e neveritshme ishte ajo shprehja juaj se: “Kurrë s’da ta shohësh qytetin e lindjes dhe të dashurisë tënde…!” E pra, kët gjë ju s’ma varrosët dot kurrë.
Po o shoku Prokuror, po o Dhimitër Zhuli… me fal Zhulla, ti je i vetmi që kishe të drejtë:
Unë isha dhe mbeta dhe do të vazhdoj të mbetem Armik i betuar e Partisë suaj Kriminale e Diktatoriale…
Prandaj them, shihe diellin edhe ti o Ylber Shehu, se nuk ishte krejt faji yt që u bëre kriminel, qe edhe faji i Diktaturës Komuniste që ju shplau trurin dhe ju bëri makina vrasëse…
Edhe ty o i zellshmi Rrapi Mino, të pyes: “A ke ngrënë ndonjëherë drekë i shoqëruar me klarinetat dhe buzukët e Grekut???!! me atë muzikë të degjeneruar Kapitaliste!!!!

Mirush Osmani pranë vatrës familjare
Mirush Osmani pranë vatrës familjare

Me sa të rrahura në minutë e keni pulsin o ju skllevër të Krimit?? Po mos u trembni!! Ju o troturuesit e mij, në këtë Ditë të Shenjtë timen, sepse shqiponja s’merret kurrë me krimbat. Dhe se unë nuk jam mësuar t’i “qahem” kundërshtarve të mi, as jam mësuar t’i mallkoj ata, as t’ua kërkoj atyre atë frazën për të cilën ata digjeshin dëshire ta dëgjonin nga goja ime: “Mëshirë zotërinj”, Jo, jo kurrë! E par, jam unë sot ai që i mëshiroj ata, pse janë bërë për t’u patur mëshirë.
Bile mundem të them se ju s’më vodhët asnjë ditë nga jeta, dhe se torturat fizike dhe psikologjike që Ju dhe diktatura Juaj ushtroi mbi personin tim, patën efekt totalisht pozitiv: “…ato më forcuan padashje karakterin dhe personalitetin tim”… E shihni edhe vetë…!! Sot, nuk jam unë që fshihem prej Jush, po ju që jeni shnërruar në hije të kësaj toke…” Unë jetoj në botën e madhe të Lirisë dhe ju botën “e vockël” të Mjerimit tuaj…
Një shëndet për Mjerimin tuaj, o hijena!!

Related Images:

Artikulli paraprakJustina nga Edison Ypi
Artikulli tjetërMisteri i pazbardhur i darkës së 11 Dhjetorit 1990… Arben Meçaj
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.