Visit Today: 498
Visit Yesterday: 468
This Month: 3501
This Year: 90888
Total Visit: 602474
Hits Today: 1095
Total Hits: 2055901
Diktatura e “Drapër e çekanit”!!
Gjeto Keqi*
vargje nga Ejëll Miculi
O Malci, ty t’kjosha falë,
Due me t’kndue për nji djalë,
Zemër trim e shqipoj malit,
Burrë besnik i Bajz’s Kastratit.
Luftoi n’Spajë, luftoi n’Shqipni,
Pa iu tremb’ kurr syni i tij;
Me pushtuesit gjakatarë:
-Jam malcor, – tha – jam shqiptar .
Pa ike mirë okupatori,
Ia filloi n’Shqipni terrori;
Komunizmi – pjell’e satrapit
Arrestoi kët djal’ t’Kastratit.
Se u çue ai me guxim:
-Ndalnie dorën, – tha – ky trim;
Porsi bisha zbritë prej malit,
Pini gjak t’pastër shqiptarit.
Komunist i orve t’para;
Diktaturës, -tha – i tretë fara!
Jua përplasi për surratit
Tes’ren e kuqe, djal’i Kastratit…
Gjeto Keqi, t’u knoftë kanga!
T’u rrittë ndera, e t’u shtoftë rraca!
Nalt ia çove namin Malcisë,
Për atdhe, n’mbrojtje t’lirisë…
Petro Marko, Skënder Luarasi, Iliaz Pasha, Mehmet Shehu,
luftëtarë të Spanjës
Kush asht Gjeto Keqi*
*Gjeto Keqi ka kenë komunist i Kominternit dhe luftëtar i dalluem në Spanjë, shok i Mehmet Shehut. Kallxojnë për të se kur asht plagosë Mehmeti, Gjetoja e ka bajtë në krahë dhe i ka pshtue jetën…
Ka ardhë në Shqipni dhe ka luftue në radhët partizane deri sa kanë hikë gjermanët. Kur kane fillue raprezaljet, ky asht çue me forcë kundër tyne dhe i ka thanë Mehmet Shehut, se nuk kena luftue për me vra popullin tonë.
E kanë arrestue, torturue dhe mbajtë nëpër burgje gjithë jetën.
Thonë se vetë Mehmeti ka shkue e takue disa herë dhe i ka thanë: Ban autokritikë Gjeto dhe unë t’baj antarë të Komitetit Qendror. “Jo, nuk due pushtet, kam lufte dhe due vetëm liri e popullit tem e asgja ma shumë! Jam ma mirë në burg se t’bahem pjestar në krimet ndaj populli. Ka dalë prej burgut, në mos gaboj në 89 o në 90.
Gjatë kohës që ishte në burg i kanë arrestue edhe t’bijnë, Laura Keqin 16 vjeçe.
Shokët e tij t’burgut e kujtojnë me shumë respekt e dashni!
.
(materiali u përgatit nga Ejëll Miculi)
Lini një Përgjigje
Për të postuar një koment, duhet të jeni i futur.