10.5 C
Tirana
E diel, 3 Mars, 2024

Mbeshtet RadiandRadi

spot_img

Zhavorr snobesh – nga Artan Gjyzel Hasani

on

|

views

and

comments

Artan Gjyzel Hasani
Artan Gjyzel Hasani

Zhavorr snobesh

nga Artan Gjyzel Hasani

Para pak ditësh sekti i snobëve të “Pejzazhe të Fjalës” duke trajtuar një problematikë që për hir të së vërtetës deri diku qëndron, ndër të tjera, sulmoi edhe Etëhem Haxhiademin, te konsideruar nga studiuesit “Babai i tragjedise shqipe” dhe kështu, duke menduar të forconin pikëpamjen e tyre, e fundosën argumentin. Bënë hara-kiri.
Të sulmosh Haxhiademin pse nuk shkruajti sipas shijeve të lexuesve që do të lindnin një shekull pas tij është njësoj si të përbuzësh Mozartin pse nuk kompozoi hip hop.
Haxhiademi është klasik dhe nuk mund të rrëzohet nga snobët. Snobët mund të ngrejnë e të ulin të ngjajshmit e tyre, por jo një klasik. Dhe kjo për arsyen e thjeshtë se klasikët nuk i kanë ndërtuar vetë përmendoret e tyre, por ua ndërtoi Koha. Madje ata ikin nga kjo bote pa e mësuar kurrë këtë nderim që iu bëri Koha.
Nuk po zgjatem më shumë, pasi snobët e morën përgjigjen për zhavorrin e tyre nga emra të nderuar të kulturës letrare si Jozef Radi, Robert Martiko apo Visar Zhiti.
Por edhe vetë Haxhiademi ua ka dhënë përgjigjen në vargjet e tij atyre që përbuzin çdo gjë të mëparshme dhe që kujtojnë se bota, arti dhe filozofia kanë lindur bashkë me ata vetë:

Disa nga veprat e Et'hem Haxhiademit
Disa nga veprat e Et’hem Haxhiademit

“Por ah, kujt ti thuësh për punë të shkueme,
Kur bij rrebelësh rrijn me duër përveshë
Edhe lëpijnë me shij’ ndër en’ të shpuëme
Të mbetuna prej gjellësh tyke qeshë?

E duën të dijn’ për veprën e mbaruëme
Këta qi fati nalt i ngriti peshë?
Këta i tallin t’gjithë ata qi hoqën
Dhe për të shtruë tryezën u përpoqën!

Ah, jo, nuk trembem un nga disa çuna
Qi dalin nga nji herë e shesin mend
Dhe mbarë as fare nuk u eci puna
Mbasi detyrën shpërdoruën pa vend

E si ç’më ra në vesh, sa bes’ s’u zuna,
Nga vjedhja n’burg i vun të han’ me qent
Këtyne u kujtoj pra qi godita
Ca përmendore porsi piramida.”
(14.III.1937)

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.