Tre Shkrimtarë Shqiptarë të Gjeneratës së Re – Në Panairin e Librit – Romë 2016

0
11
Panairi i Romës
Panairi i Romës "Piu-Libri - Piu-Liberi" 2016
Panairi i Romës "Piu-Libri - Piu-Liberi" 2016
Panairi i Romës “Piu-Libri – Piu-Liberi” 2016

Panairi i Librit Roma – 2016

“Më shumë libra më shumë të lirë”

“Më shumë libra më shumë të lirë”,
Panairin e Librit Roma – 2016 e hap Kureishi.
Më pas homazhe vepërs së Umberto Ecos dhe Dario Fo.
Prej datës 7 deri në 11 dhjetor mbahet në Romë
Panairi i Shtëpive të Vogla dhe të Mesme Botuese,
Edicionin e Pesëmbëdhjetë. Janë më shumë se 400 takime.
Midis Camillerit dhe Savianos dhe mysafirëve të tjerë
do të jenë edhe tre autorë shqiptarë Palluqi, Gashi, Olluri.
Tre autorë shqiptarë të Gjeneratës së Re…

Talianka - roman nga Agron Y. Gashi
Talianka – roman nga Agron Y. Gashi

Gjatë vitit 2016, u botuan në Itali, tri vepra letrare të gjuhës shqipe.
-Vëllimi me tregime “La fiera dei sogni” (Shumë rrugë dhe një rënie) i Adil Ollurit, me banim në Prishtinë
-Romani “Talianka” i Agron Y. Gashit, kryeredaktor i revistës “Jeta e Re” në Prishtinë… dhe
-Romani “193 gabbie” (193 kafazet) i Rezart Palluqit me banim në Amsterdam (Hollandë)
Të tria këto vepra janë përkthyer në gjuhën italiane nga nga Iris Hajdari, ndërsa botues është “Ensemble” në Romë.

 

193 Gabbie (193 Kafazët)- Roman nga Rezart Palluqi
193 Gabbie (193 Kafazët)- Roman nga Rezart Palluqi

Kalendari i promovimit të këtyre tri veprave të letërsisë shqipe

(i pari eveniment i kësaj natyre) në Panairin e Librit: “Più-Libri – Più Liberi!” në Romë, si më poshtë:

Ditën e enjte, 8 dhjetor 2016,
në ora 15 në sallën Corallo
bëhet promovimi i romanit “193 kafazët” të Rezart Palluqit
Ku do të bashkëbisedojnë me autorin: Massimo Castiglioni, Matteo Chiavarone dhe Gëzim Hajdari. Romani është:
“Një udhëtim në kujtesë për të fshirë kujtimet e fëmijërisë të një diktature, asaj shqiptare të Enver Hoxhës, simbolet e së cilës janë të pranishme ende në kokën e tij. “193 kafazë”, është nji simbolikë – aq sa janë shtetet e botës, prej të cilëve duhet të lirohemi për të rilindur…”

La fiera dei sogni - tregime nga Adil Olluri
La fiera dei sogni – tregime nga Adil Olluri

Po ditën e enjte, 8 dhjetor 2016,
në ora 17 në sallën Corallo mbahet diskutimi:
Të zbulosh Kosovën dhe Letërsinë e saj! Më promovimin i veprave
“La fiera dei sogni” vëllim më tregime nga Adil Olluri
dhe “Talianka” roman i Agron Y. Gashi, Dy libra të parë e të rëndësishëm të letërsisë së krijuesve nga Kosova përkthyer në gjuhën italiane.
Do të bashkëbisedojnë me autorët: Gabriele Sabatini dhe Gëzim Hajdari.
Përkthyesja Iris Hajdari, do të jetë ndërmjetëse e të dyja promovimeve në Panairin e Librit në Romë.

Autori Adil Olluri
Autori Adil Olluri

***
Lajmi për botimin e tregimeve të Adil Ollurit në gjuhën italiane, u dha edhe në të përditshmen italiane “Corriera Della Sera”, njëra nga gazetat më të mëdha, më të njohurat dhe më seriozet jo vetëm në Itali. Në një artikull të saj për Panairin e Romës dhe për letërsinë e huaj të botuar në gjuhën italiane, kjo e përditshme shkruan edhe për librin “La fiera dei sogni”, krahas emrave të mëdhenj të letërsisë së sotme evropiane.
Kjo është më shumë se sa një ndjesi e mirë për Ollurin si autor i këtyre tregimeve, të përkthyer në gjuhën italiane nga Iris Hajdari dhe të botuara këtë vit nga ana e botuesit nga Roma “Ensemble”.

(Materiali u përgatit nga Jozef Radi)

Più-Libri-Più-Liberi - Roma 2016
Più-Libri-Più-Liberi – Roma 2016

Related Images:

Artikulli paraprakKardinali që tejkaloi vdekjet e veta, në Vendin e Harrimeve… nga Visar Zhiti
Artikulli tjetërEt’hem Haxhiademi, dramaturgu i heronjve mitikë që vdiq në qelitë e Burrelit nga Josif Papagjoni
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.