Strategjia e braktisjes së imponuar vendit nga Shpend Sollaku

0
8
Shpend Sollaku - Noe
Shpend Sollaku - Noe
Shpend Sollaku - Noe
Shpend Sollaku – Noe

Strategjia e braktisjes së imponuar vendit

nga Shpend Sollaku

Shumë prej bashkatdhetarëve të mi po braktisin Shqipërinë.
është një eksod i heshtur, i pabujë. Mediat anemike nuk merren seriozisht me të, pasi tremben të humbin financimet nga pushteti i radhës. Ata që ikin janë jo vetëm shqiptarë të thjeshtë (që nuk e kanë për zemër qeverinë e tanishme, apo nuk kanë gjetur zgjidhje të problemeve të tyre), por edhe intelektualë të lodhur prej pritjes së stërgjatur.
Këtë lloj lodhjeje e provova edhe unë jo shumë vite më parë. U ktheva në Shqipëri për të ndejtur aty, në vitin 2000. Rezistova vetëm 6 (gjashtë) muaj!! Më shkuan kot projektet që kisha, makineritë që mora me vete. Entuziazmi zbehej sa më shumë përplasesha me burokracine. Rezistova në fakt aq sa harxhova kursimet e dhjetë viteve.
Dhe mʼu desh të rikthehem në Itali. Për të filluar gjithçka nga e para…
Ajo çka vërej tani është se nuk ka ndryshuar shumë që atëhere.
Kthimi i njerëzve me iniciativa të rëndësishme, apo me ide të guximshme, pengohet e sabotohet më çdo lloj mënyre. Kjo ndodh edhe me ata intelektualë që ndodhen apo ndodheshin në Shqipëri dhe që janë larguar apo po largohen, qofshin këta me përvojë, apo edhe të rinj të talentuar e të lauruar me djersën e tyre.
Kur më pyesin se a do ta bëje edhe njëherë arratisjen e 1992-shit, unë u them se “Nuk ia uroj askujt braktisjen e vendit! Nuk ka gjë më të rëndë se të mos jeshë në gjendje të jetosh e të punosh i lirë në vendin tënd!” Por, nëse të venë dinamit poshtë shtëpisë, e të ndjekin pas shpine për të të qëlluar me gjysma tullash të fshehura nëpër xhepat e pardesyve, o tentojnë të të rrëmbejnë fëmijën apo të të heqin qafesh edhe me pisoleta të paregjistruara, je i detyruar të arratisesh, me çdo lloj mjeti, sidomos kur ke edhe një familje mbi shpatulla. Në këto kushte largohen shumë shqiptarë të zotë që, ashtu si unë, provuan jo njëherë të ndryshojnë diçka në Shqipëri.

Keda Kaceli
Keda Kaceli

Këtu po ju sjell vetëm një shembull të kësaj natyre: Keda Kaceli.
Edhe ajo u përpoq të ribëhej në politikën shqiptare, por u detyrua të largohej. Në foton e mëposhtme e shohim atë vajzë, zonjë të mediave e të politikës, në Kongresion Europian të Partive Popullore. Ky është vetëm njeri nga shembujt më të freskët që më erdhën ndërmend, por ka sa e sa të tjerë, shembuj për të cilët mund të sillni sa të lodheni.
Ne nuk kemi hequr dorë nga kthimi në Shqipëri. Shpresoj vetëm që kjo të mos ndodhë pak ditë para vdekjes sonë (fizike) apo të mos të kthehemi kur të jemi mbyllur në një akivol. Do të jetë shumë vonë jo vetëm për ne.
Dhe ne jemi vetëm disa pika gjaku prej kësaj hemoragjie të rëndë intelektuale që ka pësuar e po pëson ky popull, e që çdo ditë e më tepër rrezikon leuceminë kronike.
24 tetor 2015

Related Images:

Artikulli paraprakPoeteka 36 – vjeshtë 2015 – E’hem Haxhiademi nga Hortensia Haxhiademi – Pellumbi
Artikulli tjetërPërjetësisht “të Internuar”… nga Tanush Kaso
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.