12.5 C
Tirana
E premte, 1 Mars, 2024

Mbeshtet RadiandRadi

spot_img

Rreth librit të ri me tregime “Rrëfenja”, i shkrimtares Gentiana Kone – nga Robert Martiko

on

|

views

and

comments

Rrëfenja - Tregime nga Gentiana Kone
Rrëfenja – Tregime nga Gentiana Kone

Rreth librit të ri me tregime “Rrëfenja”,të shkrimtares Gentiana Kone 

nga Robert Martiko

Porsa ka dalë në qarkullim libri me tregime me titull “Rrëfenja”,
i poetes e shkrimtares Gentiana Kone. 

Kur arti i të shkruarit prek tema me rëndësi për vetë mënyrën e kuptimit të jetës, sidomos pas një periudhe diktature gjysmë shekullore, nuk mund të mos përshëndeten të tilla tentativa letrare. 
Mbizotëron në tregime ideja e një bote tjetër, krejt ndryshe nga ajo që e la shoqërinë në darën e mjerimit e pasigurisë së sotshme. Bien në sy përshkrimet prekëse të natyrës që të fusin në një tjetër botë, por edhe mrekullitë e kulturës europiane. Sa herë hapet tema e reflektimit mbi qenien njerëzore, letërsia e arti nuk mungojnë kurrë pa u futur në lojë. Në këtë mënyrë autorja e librit përpiqet të trajtojë të kaluarën e hidhur me mjetet dhe gjuhën universale të mjeteve artistike. 
Tingëllon e çuditshme e tashmja e Gentianës në letërsinë e saj. Buron nga të qenët i lirë. Këtu qëndron thelbi i gjithçkaje për ndryshim. Nuk është fjala vetëm për individin, por kryesisht për shoqërinë. Autorja përpiqet që me mendimet e saj të hapë një kohë të mbyllur, nëpërmjet asaj mrekullie të jashtëzakonshme që quhet “individualizëm i përgjegjshëm ndaj njeriut”. Vetëm në këtë gjendje njeriu arrin të zbulojë lirinë, duke u bërë i vlefshëm dhe për të tjerët. Zbulon atë që quhet: botë, njeri, kulturë, mendim, qytetërim, “tjetër”. Me materialet e së kaluarës ndryshimi nuk vjen kurrë. Lavdërohen e qarkullohen pa u thelluar figura të njohura letrare të së kaluarës që jo vetëm nuk e hapën kohën, por përkundrazi, e mbyllën keq. Një individ me logjikë nuk mund të mos bëjë pyetjen: “Me të vërtetë, si mund të ndodhë ndryshimi!” -Për fat të keq, gjendja në grup mban mendimin në trajtë uniforme. Gentiana nuk i përket kësaj kategorie. Në letërsinë e saj zbulon një botë të re, të lirë në mendim.
E tashmja e autores përmban hapjen e kohës, mbasi ofron për shoqërinë një mënyrë mendimi të re. Jeton me të kaluarën jo për t’u ndierë e shkëputur nga bota e gjallë. Përkundrazi. Të kaluarën e saj, të mbushur me kujtime të hidhura, përpiqet ta përdorë për të ofruar artistikisht një të ardhme që ndikon në ndryshimin e njeriut.  
Vepra të tilla vijnë në fondin letrar si për të ndryshuar një përjetësi fatale të bllokuar në të tashmen e ngurtë të kafeneve, vende plogështie e ëndrrash pa efekt, përjetuar me vet-mburrje, reagim, mendim absolut, zili, narcizizëm, asgjësim. 
Gentiana vjen me letërsinë e saj si për të ndryshuar një të tashme që mbahet rob, pa aktivitet, pa energji, me katatoní. Është një kohë statike që pengon ndryshimet me dëshirë për të mos ndryshuar asgjë. 
Sekreti është se gjërat marrin drejtim kur ndërgjegja krijon idenë e kohës, të historisë, kulturës, me autognozë, energji e dinamizëm. Vetëm atëherë ndryshon cilësia e jetës. Pra, këto gjëra me vlerë të madhe për hapjen e Kohës vjen të ofrojë libri “Rrëfenja”, i Gentianës shkruar me emocion e finesë artistike.

Marrë nga Muri i FB i Gentiana Kones, 7 nëntor 2021

.

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.