“Requiem për Musine Kokalarin” – dramë nga Gjergj Jozef Kola + Opinione

0
10
Requiem per Musine Kokalarin - Gjergj Jozef Kola
Requiem per Musine Kokalarin - Gjergj Jozef Kola
Requiem per Musine Kokalarin - Gjergj Jozef Kola
Requiem per Musine Kokalarin – Gjergj Jozef Kola

“Requiem për Musine Kokalarin”

dramë nga Gjergj Jozef Kola

Në shkurt asht përvjetori i lindjes së Musine Kokalarit, ndaj kjo dramë vjen si përkujtim ndaj jetës dhe veprës së saj. Drama “Requiem për Musine Kokalarin” nuk asht Biografia e Musinesë, porse asht ndërtue mbi elemente biografikë, si vepër arti, për me nxjerrë në pah bukurinë e shpirtit të saj.
Libri mund të merret në linkun e maposhtëm në Amazon.com apo Amazon. simbas vendit ku jetoni, në versionin gratis të KINDLE ose si letër me nji çmim simbolik. Çdo euro apo dollar shkon për Muzeun Kokalari në Gjinokastër…
Poetesha shqiptare: Musine Kokalari nuk e pati një strehë të sajën sa ishte gjallë, nën diktaturë, tash në demokraci uroj nga zemra ta ketë strehën-muzeum në qytetin, që ajo mbajti gjithnji në zemër.
Gjinokastrës e mbarë Shqipnisë i ban nder nji muzeum i tillë, si qendër frymëzimi për njerëzit e jashtzakonshëm të kombit.
Miqësisht
Gjergj Jozef Kola, Vjenë, shkurt 2021.
 
https://www.amazon.com/dp/B08VW795WF
https://www.amazon.de/dp/B08VW795WF
.
Musine Kokalari (1917-1983)
Musine Kokalari (1917-1983)

Xhenc Bezhi

Kam lexue diku 40 drama të autorit Gjergj Jozef Kola, e mund të them se seicila asht ma e mirë se tjetra. Të gjitha janë të mbushuna jo vetëm simbolika e mesazhe, por edhe me këshilla. Ngjarjet dhe temat janë të ndryshme, por një gja kanë të përbashkët të gjitha; dinamiken e ngjarjes.
Lexuesi për asnjë moment nuk mundet me e anashkalue rrëfimin pa i shkue deri në fund. Për çdo regjizor e teatër asht fat me punue me këto drama… Kështu edhe jeta e poetes e shkrimtares Musine Kokalari, për të cilën kisha dëgjue, porse këtu te kjo dramë Requiem e njofta për herë të parë thellësinë e shpirtit e mendjes së saj.
.

Leonardo Voci

Bravo zoti Gjergj Jozef Kola, për kontributin Tuaj të jashtëzakonshëm për sjelljen e figurave të tilla në përmasat e vuajtjes e vetsakrifikimit në emër të Shpirtit Njerëzor të pastër e lirisë së fjalës që sakrifikuan jetën vetëm për mos t’u ba pjesë dhe palë me kriminelë Komunistë Shqiptare dhe me monstrën Enver, një shembull i Qëndresës intelektuale dhe artistike një sjellje që meriton respekt dhe ju Gjergj keni një meritë të veçantë
.

Gjokë Vata

I dashtun Gjergj, Pasqyra e fisnikris së virtytit njerzor asht të përkujtuemit e atyne që e meritojnë përkujtimin. Musine Kokalari asht ndera e intelektit të qytetit të saj të lindjes asht grueja që e nderon gjinin e vet në të gjithë Shqipnin e fatmirsisht nuk asht e vetmja.
Sa knaqsi kur edhe Gjinokastra ka figurat e saja të mdhaja si Musine Kokalari, Eqerem Çabej e sigurisht edhe ndonji tjetër që i shton ndër qytetit të vet e atdheut.
.

Marjan Ceka

Kam qënë i vogël, fëmijë dhe kam arritur ta njoh. Më shumë prej llafeve të poshtra që lëshonin shumë “qytetarë” të Rrëshenit. Sebepi ishte një libër që kërkonte një njeri imi që nuk gjendej në asnjë bibliotekë, por në barakën e saj.?
.

Lame Fandi

Puna që ke bërë për lartësimin në piedestalin që meriton figura e Musine Kokalarit, ka brenda limfën që i kundërvihet serumeve të helmëta kimike me të cilat diktatura u mundua ta eliminonte. Materialet që ke hulumtuar e mbledhur me mundim e përpjekje kanë bërë që shprehja “çdo fis e ka një pis”, aq shumë e përhapur në kohën e torturave jo nga një, po nga shumë shpirtpistë, të tingëllojëe krahas me muzikën mozartiane requiem për Musinenë me lajtmotivin: “Çdo fis e ka një lis!” Musine Kokalari ishte grua, që ti e sjell përpara lexuesve me qëndresën e një burri apo me saktë me qëndresën e një lisi.
.

Related Images:

Artikulli paraprakZbulime tronditëse historike: Shkollat shqipe ekzistojnë nga shekulli i 13-të, në Ulqin, Shkodër, Durrës… – nga Bep Martin Pjetri
Artikulli tjetërFletërrufe-të… – nga Gazmend Bakiu
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.